17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Բայրամովը հայտարարել է, թե «ՀՀ Սահմանադրությունն ու երկրի սպառազինումը վտանգ են տարածաշրջանի խաղաղության համար»
Քաղաքականություն
10.02.2025 | 16:33
Ադրբեջանի արտաքին գործերի նախարար Ջեյհուն Բայրամովը Բաքվում Սլովենիայի ԱԳՆ պետական քարտուղար Մարկո Շտուցինի հետ հանդիպմանը քննարկվել է երկրների միջև երկկողմ և բազմակողմ համագործակցության, ինչպես նաև տարածաշրջանային և միջազգային անվտանգության հարցեր։ Ընդգծվել է էներգետիկ անվտանգության, առևտրի, բիզնեսի, տրանսպորտի և կապի ոլորտներում երկու երկրների համագործակցության հեռանկարների օգտագործման անհրաժեշտությունը, մասնավորապես, նշվել է, որ Միջին միջանցքում Ադրբեջանի ռազմավարական դիրքը խրախուսում է այդ հնարավորությունների օգտագործումը։
Բայրամովը նաև ներկայացրել է տարածաշրջանում տիրող իրավիճակի մասին «հետհակամարտային շրջանում»։
«Խոսելով ադրբեջանա-հայկական հարաբերությունների կարգավորման և խաղաղության օրակարգի ներկա վիճակի մասին՝ նախարար Ջեյհուն Բայրամովը նշել է, որ չնայած ձեռք բերված առաջընթացին և համաձայնեցված դրույթներին՝ Հայաստանի Սահմանադրության մեջ Ադրբեջանի նկատմամբ շարունակվող տարածքային պահանջները, ինչպես նաև ռևանշիզմի ոգով այս երկրի արագ սպառազինումը վտանգ են ստեղծում տարածաշրջանի խաղաղության համար»,- ասվում է Ադրբեջանի ԱԳՆ-ի տարածած հայտարարության մեջ։
Թարգմանությունը՝ Էմմա Չոբանյանի
