08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Սերգեյ Կոպիրկինը՝ ՀԱՊԿ-ից Հայաստանի դուրս գալու հավանականության մասին
Քաղաքականություն
10.02.2025 | 13:27
Տարածաշրջանում Հայաստանի անվտանգության ապահովման մեխանիզմ չկա, որն այլընտրանք է Հավաքական անվտանգության պայմանագրի կազմակերպությանը (ՀԱՊԿ)։ Մոսկվան հուսով է, որ Երևանը դա հասկանում է։ Այս մասին ՌԻԱ Նովոստիի հետ զրույցում հայտարարել է ՀՀ-ում ՌԴ դեսպան Սերգեյ Կոպիրկինը՝ պատասխանելով հարցին, թե որքանո՞վ է մեծ հավանականությունը, որ Երևանը վերջնականապես դուրս կգա ՀԱՊԿ-ից, և ի՞նչ հետևանքներ կարող է դա ունենալ։
«Դիվանագետի մասնագիտությունը չի ենթադրում սուրճի բաժակով գուշակություն։ Մեր համոզմամբ՝ այս պահին տարածաշրջանում չկա Հայաստանի անվտանգությունն ու պաշտպանունակությունն ապահովող այլընտրանքային հուսալի մեխանիզմ։ Հուսով ենք, որ Երևանում դա լավ են հասկանում»,- ասել է Կոպիրկինը։
Նա նշել է, որ ՀԱՊԿ-ի հետ Երևանի կուտակած հարցերի փոխզիջումային լուծումները կարելի է գտնել դաշնակիցների միջև բանակցությունների միջոցով։
«Մեր ուժերի սահմաններում է՝ նստել բանակցությունների սեղանին մեր դաշնակիցների հետ, գործընկերային ճանապարհով գտնել բոլոր կուտակված հարցերի փոխզիջումային լուծումներ։ Սակայն այս հարցերում էլ ինքնիշխան ընտրությունը մեր հայ գործընկերներինն է»,- հայտարարել է ՀՀ-ում ՌԴ դեսպանը։
Թարգմանությունը՝ Էմմա Չոբանյանի
