24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Ուկրաինական ԱԹՍ-ների հարձակման հետևանքով Կրասնոդարում բնակելի համալիր է վնասվել
Քաղաքականություն
10.02.2025 | 11:26
Ուկրաինական անօդաչու թռչող սարքերը փետրվարի լույս 10-ի գիշերը գրոհել են Կրասնոդարի երկրամասը։ ԱԹՍ-ներից մեկի բեկորները վնասել են «Ցենտրալնի» բնակելի համալիրի տանիքը, հայտնել է շրջանի նահանգապետ Վենիամին Կոնդրատևը Տելեգրամում գրառմամբ։
Կրասնոդարի արվարձանից 13 կիլոմետր հեռավորության վրա գտնվող Աֆիպսկի գյուղում մեկ այլ անօդաչու թռչող սարք է խոցվել, որի բեկորներն առանձնատուն են վնասել։ Կոնդրատևի տեղեկացմամբ՝ զոհեր և վիրավորներ չկան։
Իր հերթին, SHOT տելեգրամյան ալիքը գրում է, որ տեղական ժամանակով 02:00-ի սահմաններում գյուղի բնակիչները մի քանի հզոր պայթյուն են լսել Աֆիպսկի նավթավերամշակման գործարանի տարածքում հակաօդային պաշտպանության համակարգերի գործարկման պատճառով։ Ավելի ուշ անվտանգության ուժերին մոտ կանգնած «ВЧК-ОГПУ» տալագրամյան ալիքում հայտնվել է հրդեհի տեսագրությունը։
Թարգմանությունը՝ Տաթև Ֆռանգյանի
