06.12.2025 | 22:41
Պետք է շարունակենք մեր ծառայությունը բերել մեր ժողովրդին. Գարեգին Բ-ն` Փաշինյանի քայլերի մասին. ՏԵՍԱՆՅՈՒԹ
Թրամփն ու Պուտինը հեռախոսազրույց են ունեցել. NY Post
Քաղաքականություն
09.02.2025 | 11:27
ԱՄՆ նախագահ Դոնալդ Թրամփը հեռախոսազրույց է ունեցել Ռուսաստանի նախագահ Վլադիմիր Պուտինի հետ՝ Ուկրաինայում պատերազմը դադարեցնելու հնարավոր ուղիները քննարկելու համար։ Այս մասին Թրամփը հայտնել է New York Post-ին տված հարցազրույցում:
Հարցին, թե քանի անգամ է խոսել Պուտինի հետ, Թրամփը հրաժարվել է հստակ պատասխան տալ։
«Լավ կլինի՝ չասեմ»,- ասել է նա։
Նրա կարծիքով, ՌԴ նախագահը մտահոգված է պատերազմում մարդկային զոհերով։
«Նա ցանկանում է, որ մարդիկ դադարեն մահանալ»,- նշել է Թրամփը։
«Այդ բոլոր զոհված մարդիկ… Երիտասարդ, գեղեցիկ մարդիկ։ Նրանք ձեր երեխաների նման են, երկու միլիոն մարդ՝ անիմաստ զոհված»,- հավելել է ԱՄՆ նախագահը։
Երեք տարի տևած պատերազմը «երբեք չէր լինի», եթե նա լիներ նախագահ 2022 թվականին, պնդում է Թրամփը։
«Ես միշտ լավ հարաբերություններ եմ ունեցել Պուտինի հետ»,- ասել է նա՝ ի տարբերություն իր նախորդի։ «Բայդենը խայտառակություն էր մեր ազգի համար, կատարյալ ամոթ»։
Թրամփն ասել է, որ պատերազմին վերջ տալու կոնկրետ ծրագիր ունի։
