25.05.2026 | 21:42
Օսիպյանը քաղբանտարկյա՞լ․ արցախցի գործիչը հացադուլի մեջ է, քաղհասարակությունը պահանջում է ազատել նրան․ ՏԵՍԱՆՅՈՒԹ
Լիտվան, Լատվիան և Էստոնիան վաղն ընդմիշտ կանջատվեն ռուսական էլեկտրացանցից. ԵՄ հանձնակատար
Քաղաքականություն
07.02.2025 | 18:29
Վաղը Լիտվան, Լատվիան և Էստոնիան ընդմիշտ կանջատվեն ռուսական էլեկտրացանցից, X սոցիալական ցանցում գրել է ԵՄ արտաքին հարաբերությունների և անվտանգության քաղաքականության գերագույն ներկայացուցիչ Կայա Կալլասը։
«Ռուսաստանն այլևս չի կարողանա էներգետիկ ռեսուրսներն օգտագործել որպես շանտաժի զենք։ Սա Եվրոպայի ազատության և միասնության հաղթանակն է»,- գրել է Կալլասը։
«Սա ֆիզիկական անջատում է Ռուսաստանի և Բելառուսի էներգետիկ համակարգից մեր կախվածության վերջին տարրից»,- իր հերթին ասել է Լիտվայի նախագահ Գիտանաս Նաուսեդան Associated Press-ին։
Associated Press-ը գրում է նաև, որ նավթով և գազով հարուստ Ռուսաստանի հետ էներգետիկ կապերի խզումը խորհրդանշական փաստ է։ Այս ուղղությամբ աշխատանքներն արագացել են Ուկրաինա ռուսական ներխուժումից հետո։
Թարգմանությունը՝ Տաթև Ֆռանգյանի
