08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Զելենսկին կգլխավորի ուկրաինական պատվիրակությունը Մյունխենի համաժողովում. AP
Քաղաքականություն
07.02.2025 | 19:44
Ուկրաինայի նախագահ Վլադիմիր Զելենսկին կգլխավորի ուկրաինական պատվիրակությունը Մյունխենի անվտանգության համաժողովում։ Այս մասին Associated Press-ին տված հարցազրույցում ասել է Ուկրաինայի նախագահի աշխատակազմի ղեկավար Անդրեյ Երմակը, որը նույնպես լինելու է պատվիրակության կազմում։
Երմակի խոսքով՝ համաժողովում ուկրաինական պատվիրակությունը կներկայացնի երկրի դիրքորոշումը պատերազմի դադարեցման վերաբերյալ և նրա տեսակետները, թե ինչպես կարելի է հասնել «երկարատև ու տևական խաղաղության»։
Բացի այդ, Մյունխենում Ուկրաինան հույս ունի քննարկել, թե անվտանգության ինչ երաշխիքներ կարող են տրամադրվել Ռուսաստանի կողմից կրկնվող ագրեսիան կանխելու համար։
Ուկրաինայի նախագահի գրասենյակի ղեկավարը նաև հաստատել է, որ Ուկրաինայի և Ռուսաստանի հարցերով Թրամփի հատուկ բանագնաց Քիթ Քելլոգը Մյունխենի անվտանգության համաժողովից հետո՝ փետրվարի վերջին, կայցելի Կիև։
Մյունխենի անվտանգության համաժողովն այս տարի կանցկացվի փետրվարի 14-16-ը։
Թարգմանությունը՝ Տաթև Ֆռանգյանի
