22.06.2026 | 13:35
ՏԿԵ փոխնախարարը ընդերքօգտագործողների հետ քննարկել է փոշեճնշիչ սարքավորումների պարտադիր կիրառումը
Իրանի հոգևոր առաջնորդը մերժել է ԱՄՆ-ի հետ ուղիղ բանակցությունները
Քաղաքականություն
07.02.2025 | 16:36
Իրանի գերագույն հոգևոր առաջնորդ այաթոլլահ Ալի Խամենեին մերժել է ուղղակի բանակցություններ վարելու ԱՄՆ-ի կոչերը՝ դրանք համարելով անխոհեմ և ապարդյուն երկրի խնդիրները լուծելու համար, գրում է իրանական Mehr գործակալությունը։
Խամենեին ուրբաթ ընդունել է Իրանի ռազմաօդային ուժերի և հակաօդային պաշտպանության ուժերի մի խումբ հրամանատարների։ Հանդիպման սկզբում նա հայտարարել է, որ մերժում է Վաշինգտոնի հետ բանակցությունները, քանի որ դրանք չեն բխում Իրանի ժողովրդի շահերից։
«ԱՄՆ-ի հետ բանակցությունները չեն ազդի երկրի խնդիրների լուծման վրա: Մենք դա պետք է ճիշտ հասկանանք: Չպետք է մտածենք, որ եթե այդ կառավարության հետ նստենք բանակցությունների սեղանի շուրջ, այս կամ այն խնդիրը կլուծվի: Ո՛չ, Ամերիկայի հետ բանակցությունները ոչ մի խնդիր չեն լուծի։ Իրանը մի քանի տարի առաջ բանակցել է ԱՄՆ-ի հետ, և գործարքը ձեռք էր բերվել, սակայն ամերիկացիները պատռեցին այն։ Մենք շատ զիջումների ենք գնացել, սակայն ամերիկացիները չկարողացան անել գործարքի իրենց մասը»,- ասել է Խամենեին։
Նա կրկին շեշտել է, որ խնդիրների լուծումը երկրի ներսում է՝ ասելով, որ ներքին ռեսուրսների վրա հույս դնելով միայն հնարավոր է լուծել խնդիրները։
Խամենեին, միաժամանակ, զգուշացնել է Վաշինգտոնին՝ «եթե ԱՄՆ-ը խախտի Իրանի ժողովրդի անվտանգությունը, չեն վարանի պատասխան միջոցներ ձեռնարկել»։
Թարգմանությունը՝ Էմմա Չոբանյանի
