ԱՄՆ-ը նոր պատժամիջոցներ է սահմանել Իրանի նավթի արտահանման դեմ

ԱՄՆ Ֆինանսների նախարարությունը նոր պատժամիջոցներ է սահմանել Իրանի նավթարդյունաբերության ոլորտի դեմ։ Սահմանափակումներն ուղղված են միջազգային ցանցին, որը նպաստում է միլիոնավոր բարել իրանական նավթի առաքմանը Չինաստան, գում է VOA-ն:

Ամերիկյան Ֆինանսների նախարարության արտասահմանյան ակտիվների վերահսկողության գրասենյակը (OFAC) հայտնել է, որ պատժամիջոցներն ուղղված են Sepehr Energy առաջատար ընկերության դեմ, որը Իրանի գլխավոր շտաբը, իբր, օգտագործում է նավթ մատակարարելու համար:

Պատժամիջոցները կվերաբերեն Չինաստանի, Հնդկաստանի և Արաբական Միացյալ Էմիրությունների իրավաբանական և ֆիզիկական անձանց, ինչպես նաև մի քանի դատարանների:

OFAC-ի տվյալների համաձայն՝ Sepehr Energy-ն և նրա մասնաճյուղերը, որոնք գործում են Իրանի Գլխավոր շտաբի միջոցով, օգտագործում են «պատժամիջոցներից խուսափելու մեթոդներ», ներառյալ՝ ծովային փաստաթղթերի կեղծումը, որպեսզի թաքցնեն օտարերկրյա գնորդներին, այդ թվում՝ Չինաստանին վաճառվող նավթի իրանական ծագումը:

OFAC-ը նշում է, որ ապօրինի վաճառքը տարեկան միլիարդավոր դոլարներ է բերում Իրանին՝ «տարածաշրջանում ապակայունացնող գործողությունները ֆինանսավորելու և ահաբեկչական խմբերին աջակցելու համար», ինչպիսիք են ՀԱՄԱՍ-ը, հութիները և «Հըզբոլլահը»:

ԱՄՆ ֆինանսների նախարար Սքոթ Բեսենթը հայտարարության մեջ նշել է, որ Իրանն օգտագործում է այդ միջոցները իր միջուկային ծրագիրը զարգացնելու և բալիստիկ հրթիռներ ու ռազմական անօդաչու թռչող սարքեր արտադրելու համար։

Թարգմանությունը՝ Տաթև Ֆռանգյանի