13.03.2026 | 23:44
Մենք ձեռնարկում ենք անհրաժեշտ քայլեր՝ կանխելու արյունալի սցենարները, որոնք փորձում են իրականացնել մեր տարածաշրջանում. Էրդողան
Անկարայում կեղծ ալկոհոլի օգտագործումից 33 մարդ է մահացել, 20-ը վերակենդանացման բաժանմունքում է
Քաղաքականություն
07.02.2025 | 22:19
Անկարայի նահանգապետ Վասիփ Շահինը հայտնել է, որ քաղաքում կեղծ ալկոհոլի օգտագործման պատճառով 33 մարդ է մահացել, 20-ը գտնվում է վերակենդանացման բաժանմունքում, հայտնում է Birgun-ը։
Նա նշել է, որ վերջին օրերին Անկարայում գրանցվել են կեղծ ալկոհոլի հետ կապված մահվան դեպքեր։ Շահինը նաև հայտնել է, որ շուրջ 102 տոննա էթիլ և մեթիլ սպիրտ է առգրավվել, որից 62 տոննան՝ Դյուզչեից և Քոնիայից, 40 տոննա էլ առգրավվել է նահանգի սահմաններում։
«Այս հարցով վարույթ է հարուցվել և՛ ապօրինի ալկոհոլի արտադրությամբ, և՛ իրացմամբ զբաղվող 32 անձի նկատմամբ, որոնցից 13-ը ձերբակալվել է, իսկ 17-ը՝ ազատ արձակվել դատական հսկողության պայմանով»,- ասել է նահանգապետը։
Նա կոչ է անել քաղաքացիներին, տեղեկություններ ունենալու դեպքում, հայտնել կեղծ ալկոհոլ վաճառող մարդկանց մասին։
Թարգմանությունը՝ Էմմա Չոբանյանի
