08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թրամփը մտադիր է «դադարեցնել արյունահեղությունը»՝ նախքան Ուկրաինայի հարցով բանակցություններ սկսելը․ Քելլոգ
Քաղաքականություն
07.02.2025 | 12:53
Ուկրաինայի հարցով ԱՄՆ հատուկ բանագնաց Քիթ Քելլոգը հայտարարել է, որ ԱՄՆ նախագահ Դոնալդ Թրամփը ցանկանում է «դադարեցնել արյունահեղությունը» Ուկրաինայում՝ նախքան հակամարտության կարգավորման բանակցությունները սկսելը։ Քելլոգի խոսքով՝ ԱՄՆ նախագահը պատրաստ է խստացնել Ռուսաստանի դեմ պատժամիջոցները՝ ռազմական գործողությունների ավարտին հասնելու համար։
Միևնույն ժամանակ, հատուկ բանագնացը նշել է, որ Դոնալդ Թրամփը հասկանում է՝ և՛ Կիևը, և՛ Մոսկվան ստիպված կլինեն զիջումների գնալ հակամարտությունը դադարեցնելու համար։
«Նախագահը ցանկանում է նախ դադարեցնել արյունահեղությունը, պարզապես դադարեցնել այն, իսկ հետո դրա վրա հիմնել ապագա բանակցությունները», – The New York Post-ին ասել է Քիթ Քելլոգը:
Ըստ Քելլոգի՝ Ռուսաստանի վրա ԱՄՆ-ի տնտեսական ճնշումը «բավականաչափ ցավալի չէր»։ Ուստի, նշել է նա, Վաշինգտոնը դիտարկում է ռուսական էներգետիկ հատվածի նկատմամբ նախկինում սահմանված սահմանափակումների խստացման հնարավորությունը։
«Իսկապես, հնարավոր կլինի խստացնել պատժամիջոցները, հատկապես, վերջին սահմանափակումները [ուղղված նավթի արդյունահանման և արտահանման դեմ]։ Սա լայն հնարավորություններ է բացում ինչ-որ բան անելու համար»,- հավելել է Ուկրաինայի հարցով ԱՄՆ հատուկ ներկայացուցիչը:
Թարգմանությունը՝ Տաթև Ֆռանգյանի
