09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Սիրիայի իշխանությունները նշել են ռուսական ռազմաբազաների պահպանման պայմանները
Քաղաքականություն
07.02.2025 | 12:34
Սիրիայում ռուսական ռազմաբազաները կմնան, եթե դա ձեռնտու լինի Սիրիայի նոր կառավարությանը։ Այս մասին The Washington Post-ին տված հարցազրույցում հայտարարել է Սիրիայի պաշտպանության նախարար Մուրհաֆ Աբու Քասրան։
ՊՆ ղեկավարի խոսքով՝ Մոսկվայի վերաբերմունքը Սիրիայի նոր կառավարության նկատմամբ «զգալիորեն բարելավվել է» նախկին նախագահ Բաշար Ասադի վարչակարգի տապալումից հետո։
Մուրհաֆ Աբու Քասրան նշել է, որ Դամասկոսը դիտարկում է տարբեր երկրների հետ պաշտպանական համաձայնագրերի հնարավորությունը։ Սիրիան «բարդ բանակցություններ» է վարում ինչպես ԱՄՆ-ի, այնպես էլ Թուրքիայի հետ՝ հանրապետության տարածքում իրենց ռազմակայանների կարգավիճակի շուրջ, հավելել է նա։
Թարգմանությունը՝ Տաթև Ֆռանգյանի
