10.08.2026 | 17:11
Պատրա՞ստ եք հրապարակել 44-օրյա պատերազմի հանգամանքներն ուսումնասիրող հանձնաժողովի զեկույցը. Մանուկյանը՝ Գաբրիելյանին. ՏԵՍԱՆՅՈՒԹ
ԱՄՆ արհմիությունները դատական հայց են ներկայացրել Թրամփի վարչակազմի դեմ՝ USAID-ի փակման պատճառով
Քաղաքականություն
07.02.2025 | 13:15
ԱՄՆ Միջազգային զարգացման գործակալության (USAID) աշխատակիցներին ներկայացնող արհմիությունները հինգշաբթի օրը դատի են տվել նախագահ Դոնալդ Թրամփին՝ տասնամյակներ շարունակ գործող մարդասիրական գործակալությունը քանդելու նրա ջանքերի համար, գրում է CNN-ը։
Լրատվամիջոցը, իր բազմաթիվ աղբյուրներին վկայակոչելով, հայտնում է՝ ակնկալվում է, որ գործակալության 300-ից պակաս աշխատակիցներ կպահպանվեն, մինչդեռ հազարավորները կուղարկվեն անժամկետ արձակուրդի կամ աշխատանքից կազատվեն։
Հայցը նաև անդրադառնում է վարչակազմի կողմից գրեթե ողջ արտաքին օգնության սառեցմանը, քայլ, որը դադարեցրել է մարդասիրական կարևոր աշխատանքն ամբողջ աշխարհում և հանգեցրել է հազարավոր աշխատակիցների աշխատանքից ազատման կամ չվճարվող արձակուրդի։ Սա առաջին հայցն է, որը ներկայացվել է ԱՄՆ ՄԶԳ-ի դեմ ձեռնարկված արագ գործողությունների դեմ։
Լրատվամիջոցը հայտնում է, որ բազմաթիվ աղբյուրների կողմից նկարագրված ներքին էլեկտրոնային նամակներում ասվում է, որ 300-ից պակաս մարդ կպահպանվի որպես հիմնական անձնակազմ, աշխատուժի հսկայական կրճատում տեղի կունենա։
Թրամփի, ինչպես նաև պետքարտուղար Մարկո Ռուբիոյի, ֆինանսների նախարար Սքոթ Բեսենտի և նրանց ղեկավարած գերատեսչությունների դեմ հայցը պնդում է, որ նախագահը գերազանցում է իր լիազորությունները՝ խախտելով Սահմանադրությունը և դաշնային օրենքը:
Արհմիությունների խմբերի փաստաբանները խնդրում են դատարանին կարգադրել վարչակազմին չեղարկել գործակալությունը փակելու համար ձեռնարկված գործողությունները և «դադարեցնել գործակալության լուծարման ցանկացած հետագա քայլ», քանի դեռ դատավարությունը շարունակվում է։
Թարգմանությունը՝ Էմմա Չոբանյանի
