25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Նեթանյահուն պատրաստ է վերջ դնել Գազայի պատերազմին, եթե ՀԱՄԱՍ-ը հրաժարվի իշխանությունից․ Axios
Քաղաքականություն
07.02.2025 | 12:15
Իսրայելի վարչապետ Բենիամին Նեթանյահուն պատրաստ է դադարեցնել պատերազմը Գազայի հատվածում, եթե պաղեստինյան ՀԱՄԱՍ շարժման առաջնորդները հրաժարվեն իշխանությունից և «աքսորվեն», հայտնում է Axios-ը՝ հղում անելով աղբյուրներին։
Նրանք հայտնել են, որ Նեթանյահուն իր ծրագիրը ներկայացրել է Վաշինգտոն կատարած այցի ժամանակ:
Ըստ հրապարակման՝ Իսրայելի վարչապետը ցանկանում է երկարաձգել ՀԱՄԱՍ-ի հետ համաձայնագրի առաջին փուլը՝ ավելի շատ պատանդների ազատելու համար։ Ներկայում նախատեսվում է 33 պատանդի ազատ արձակում։ Դրա դիմաց Իսրայելը պատրաստ է ազատ արձակել է՛լ ավելի շատ պաղեստինցի բանտարկյալների, որոնց ստույգ թիվը չի նշվում։
ԱՄՆ պաշտոնյաները նշել են, որ Նեթանյահուն «հասկացրել է», որ եթե գործարքի առաջին փուլը երկարաձգվի, ՀԱՄԱՍ-ին առաջարկ կներկայացվի բանակցությունների երկրորդ փուլի ընթացքում, որը ներառում է Գազայում պատերազմի ավարտ և «բարձրաստիճան» պաղեստինցի բանտարկյալների ազատ արձակում: Դրա դիմաց նա ՀԱՄԱՍ-ից կպահանջի ազատ արձակել մնացած պատանդներին և հրաժարվել իշխանությունից Գազայի հատվածում, որի առաջնորդները, ներառյալ՝ ազատ արձակվածները, աքսորվեն «երրորդ երկիր»:
Իսրայելի բարձրաստիճան պաշտոնյաները հայտնում են, որ ՀԱՄԱՍ-ը համաձայնել է հրաժարվել Գազայի «քաղաքացիական վերահսկողությունից» և վերակառուցման գործընթացի պատասխանատվությունը հանձնել է Պաղեստինի ինքնավարությանը կամ անկախ կոմիտեին: Այնուամենայնիվ, պաղեստինյան շարժումը պատրաստ չէ լուծարվել, նշել է պաշտոնյան։
Թարգմանությունը՝ Տաթև Ֆռանգյանի
