10.08.2026 | 10:56
Ռուսական զորքերն ավիառումբերով հարվածել են Սումիին․ վիրավորներ կան
Զախարովան խուսափեց պատասխանել Փաշինյանի՝ Վաշինգտոն այցի վերաբերյալ ադրբեջանցի լրագրողի հարցին․ ՏԵՍԱՆՅՈՒԹ
Քաղաքականություն
06.02.2025 | 20:53
ՌԴ ԱԳՆ պաշտոնական ներկայացուցիչ Մարիա Զախարովան իր ամենշաբաթյա ճեպազրույցում խուսափեց պատասխանել ՀՀ վարչապետ Նիկոլ Փաշինյանի՝ Վաշինգտոն այցի վերաբերյալ ադրբեջանցի լրագրողի հարցին։ ՌԴ ԱԳՆ պաշտոնական ներկայացուցիչը խորհուրդ տվեց անդրադառնալ ռուս-ադրբեջանական հարաբերությունների երկկողմ օրակարգին։
«Որքան ես հիշում եմ՝ դուք Մոսկվա-Բաքու գործակալությունն եք ներկայացնում։ Որքան հասկանում եմ՝ չեք պլանավորում ձեր անվանումը փոխել Մոսկվա-Երևան։ Ճիշտ է, դրանում ոչ մի վատ բան չկա, բայց դա ձեր պլաններում չկա։ Այնպես որ՝ մնացեք ձեր օրակարգում»,- հայտարարեց Զախարովան՝ նշելով, որ այդ օրակարգում կան մեկնաբանելու հարցեր։
Հիշեցնենք, որ հունվարի 20-21-ը Արարատ Միրզոյանն աշխատանքային այցով գտնվում էր Մոսկվայում, որտեղ հանդիպում ունեցավ ՌԴ ԱԳ նախարար Սերգեյ Լավրովի հետ։ ԱԳ նախարարների հանդիպումից հետո նրանք հանդես եկան համատեղ մամուլի ասուլիսով։ Մոսկվայում Միրզոյանը հայտարարեց, որ Երևանը միջազգային հարթակներում մշտապես փորձում է հաշվի առնել Ռուսաստանի շահերը, և ցանկություն կա, որ Մոսկվան էլ միջազգային հարթակներում որոշ չափով հաշվի առնի Հայաստանի Հանրապետության շահերը։
Մանրամասները՝ տեսանյութում։
Տաթև Ֆռանգյան
