30.04.2026 | 10:25
Փորձել են ՌԴ-ից 72 մլն ռուբլի ներմուծել․ ՊԵԿ-ի բացահայտումը․ ՏԵՍԱՆՅՈՒԹ
ԱՄՆ-ում կովերը վարակվել են թռչնագրիպի նոր շտամով
Քաղաքականություն
06.02.2025 | 23:00
Թռչնագրիպի D1.1 երկրորդ շտամն է հայտնաբերվել Նևադայում (ԱՄՆ) կովերի մոտ՝ 16 նահանգներում B3.13 տարբերակի բռնկումից հետո, հայտնում է The New York Times-ը։
Վիրուսը, որը հայտնի է որպես H5N1, վերջերս առնվազն երկու անգամ թռչուններից փոխանցվել է կովերին, հայտնել է ԱՄՆ գյուղատնտեսության նախարարության Կենդանիների և բույսերի առողջության տեսչական ծառայությունը: Այսպիսով, առաջին անգամ վիրուսը՝ B3.13 տարբերակը, վարակել է 950 հոտ 16 նահանգներում: Առաջին դեպքերը գրանցվել են Տեխասում։
Վիրուսի երկրորդ՝ D1.1 շտամը հայտնաբերվել է սիլոսից հավաքված կաթում՝ անցյալ տարեվերջին U.S.D.A-ի կողմից հայտարարված կաթի թեստավորման ազգային ռազմավարության շրջանակում։ Այն վարակել է Նևադայի անասուններին։ Ինչպես հայտնի է՝ H5N1-ի D1.1 ձևն արդեն մեկ մարդու կյանք է խլել։ Հունվարին դրանից մի տարեց տղամարդ է մահացել։ Նա Լուիզիանայի 65-ամյա բնակիչ է: Վերջինը խնամել է հիվանդ և մահացող թռչուններին ու ինքն էլ մահացել հունվարի սկզբին:
2024 թվականի նոյեմբերին 13-ամյա կանադացի մի աղջիկ է վարակվել D1.1 վիրուսով, սակայն պարզ չէ, թե որտեղից կարող էր վերցնել վիրուսը։
Թարգմանությունը՝ Տաթև Ֆռանգյանի
