17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
ԵՄ դիվանագիտության ղեկավարը Սիրիայի ԱԳ նախարարին Բրյուսել է հրավիրել
Քաղաքականություն
06.02.2025 | 21:06
ԵՄ արտաքին գործերի գերագույն ներկայացուցիչ Կայա Կալլասը Սիրիայի անցումային կառավարության արտաքին գործերի նախարար Ասադ ալ-Շիբանիին հրավիրել է այցելել Բրյուսել։ Այս մասին այսօր կայացած ճեպազրույցում հայտարարել է ԵՄ արտաքին ծառայության պաշտոնական ներկայացուցիչ Անվար ալ-Անունին, փոխանցում է Կոմերսանտը։
«Ես կարող եմ հաստատել, որ ԵՄ դիվանագիտության ղեկավարը Ասադ ալ-Շիբանիին հրավիրել է այցելել Բրյուսել Էր Ռիադում իրենց հանդիպման ժամանակ»,- հայտնել է ալ-Անունին։
Հունվարի 12-ին ԵՄ պատվիրակությունը, ներառյալ՝ Կայա Կալլասը, այցելել էր Էր Ռիադ: Նա Սաուդյան Արաբիայի մայրաքաղաք է ժամանել սիրիական կարգավորման շուրջ բանակցությունների համար՝ Մերձավոր Արևելքի և Եվրոպայի երկրների, ինչպես նաև ԱՄՆ-ի ներկայացուցիչների մասնակցությամբ։ Սաուդյան Արաբիայում Կալլասը հանդիպել է Սիրիայի արտաքին գործերի նախարար Ասադ ալ-Շիբանիի հետ։
Խորհրդակցություններից հետո նա հայտարարել է, որ ԵՄ-ն կարող է սկսել հակասիրիական պատժամիջոցների չեղարկումը, եթե Դամասկոսի նոր ղեկավարությունը քայլեր ձեռնարկի ներառական կառավարություն ձևավորելու համար, որը կպաշտպանի փոքրամասնությունների շահերը:
Թարգմանությունը՝ Տաթև Ֆռանգյանի
