08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱՄՆ պետքարտուղարը հրաժարվել է մեկնել Հարավային Աֆրիկա՝ G20-ի հանդիպմանը մասնակցելու
Քաղաքականություն
06.02.2025 | 16:43
ԱՄՆ պետքարտուղար Մարկո Ռուբիոն չի մասնակցի փետրվարի 20-21-ը Յոհանեսբուրգում կայանալիք G20-ի արտգործնախարարների հանդիպմանը։ Այս մասին նա հայտնել է X-ում գրառմամբ։
«Ես չեմ մասնակցի Յոհանեսբուրգում G20-ի հանդիպմանը: Հարավային Աֆրիկան շատ վատ բաներ է անում՝ օտարելով մասնավոր սեփականությունը և օգտագործում G20-ը՝ խթանելու «համերաշխությունը, հավասարությունը և կայունությունը, այլ կերպ ասած՝ DEI (Diversity, Equity and Inclusion)»,- գրել է նա։
ԱՄՆ պետքարտուղարն ընդգծել է, որ իր գործն է՝ «առաջ մղել Ամերիկայի ազգային շահերը, այլ ոչ թե հարկատուների փողերը ծախսել հակաամերիկանությունը հնարավոր դարձնելու համար»։
Այս տարի Հարավային Աֆրիկան ստանձնում է G20-ի նախագահությունը և որպես նախագահության կարգախոս ընտրել է «Համերաշխություն, հավասարություն և կայունություն» կարգախոսը:
Նոյեմբերին Յոհանեսբուրգում նախատեսվում է G20-ի գագաթնաժողովը, որից հետո խմբում նախագահությունը կստանձնի ԱՄՆ-ը։
Հիշեցնենք, որ ԱՄՆ նախագահ Դոնալդ Թրամփը խոստացել էր դադարեցնել բոլոր ֆինանսական օգնությունները Հարավային Աֆրիկային, քանի որ այդ երկիրը, իբր, բռնագրավում է հողը և ծայրահեղ վատ է վերաբերվում «որոշ խավերի մարդկանց»։
Թարգմանությունը՝ Տաթև Ֆռանգյանի
