08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ամերիկյան դատարանն անժամկետ արգելափակել է ծննդյան իրավունքով քաղաքացիության չեղարկման մասին Թրամփի հրամանը
Քաղաքականություն
06.02.2025 | 21:31
ԱՄՆ Մերիլենդ նահանգի Գրինբելթ քաղաքի դաշնային դատավորն արգելափակել է նախագահ Դոնալդ Թրամփի գործադիր հրամանը, որը սահմանափակում է ծննդյան իրավունքով քաղաքացիության շնորհումը: Հրամանագիրը կասեցվել է անորոշ ժամանակով, նշում է The Washington Post (WP) պարբերականը։
Դատավոր Դեբորա Բորդմենը ժամանակավոր արգելքը սահմանել է իրավապաշտպան կազմակերպությունների կողմից ներկայացված հայցը քննելուց հետո: Դատավորը գտել է, որ նախագահի հրամանն«ուղղակիորեն հակասում է ԱՄՆ Սահմանադրության 14-րդ լրացմանը»։
Արգելքը կտարածվի ամբողջ երկրի վրա և ուժի մեջ կմնա, քանի դեռ գործն ընթացքի մեջ է։ Վերադաս դատարանը կարող է բեկանել այն։
Ըստ WP-ի՝ առնվազն վեց հայց է ներկայացվել Դոնալդ Թրամփի հրամանի դեմ: Դրանցից մեկը ներկայացվել է Թրամփի նախագահության առաջին իսկ օրը։ Այն նախաձեռնել են կազմակերպությունները, որոնք պաշտպանում են ներգաղթյալների իրավունքները։ Դրան միացել են 22 «դեմոկրատական» նահանգներ։
Թարգմանությունը՝ Տաթև Ֆռանգյանի
