07.10.2026 | 10:00
Ազգային ժողովի նիստը՝ ՈՒՂԻՂ
Վոլոդինը հայտարարել է, թե Հայաստանը, Վրաստանը և Ուկրաինան տուժել են USAID-ի «ժողովրդավարությունից»
Քաղաքականություն
06.02.2025 | 14:44
ԱՄՆ Միջազգային զարգացման գործակալությունը (USAID) մասնակցել է աշխարհի տարբեր երկրներում պետական հեղաշրջումների նախապատրաստմանը՝ օգնություն ցուցաբերելով «ժողովրդավարության խթանման գործում»։ Նման գործողություններից տուժել են Ուկրաինան, Վրաստանը, Մոլդովան, Հայաստանն ու մի շարք այլ երկրներ։ Այս մասին հայտարարել է ՌԴ Պետդումայի նախագահ Վյաչեսլավ Վոլոդինը, գրում է ՏԱՍՍ-ը։
«Աշխարհի երկրներում պետական հեղաշրջումների նախապատրաստում և կազմակերպում՝ ի հաշիվ նախագծերի ու ծրագրերի ֆինանսավորման, որոնք ուղղված են քաղաքացիական ակտիվիստների, ընտրությունների դիտորդների և լրագրողների ուսուցմանը։ Ուկրաինա, Վրաստան, Մոլդովա, Հայաստան, Ղրղզստան, Կուբա, Նիկարագուա, Վենեսուելա. սա ամբողջական ցանկը չէ այն երկրների, որոնք տուժել են «ժողովրդավարության խթանման հարցում» նման օգնությունից»,- գրել է Վոլոդինը տելեգրամի իր ալիքում։
Ռուսաստանցի պաշտոնյան նշել է, թե «USAID-ն այդ նպատակով նախկին խորհրդային հանրապետությունների վրա ծախսել է ավելի քան 2 միլիարդ դոլար վերջին 10 տարիների ընթացքում», ընդ որում՝ «այդ գումարի 52 տոկոսն ուղղվել է Ուկրաինային»:
Թարգմանությունը՝ Էմմա Չոբանյանի
