06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Հայաստանը վերանայել է Արժույթի միջազգային կազմակերպությունում իր քվոտան՝ ավելացնելով 50 տոկոսով
Տնտեսություն
06.02.2025 | 12:34
Կառավարությունն այսօրվա նիստում չզեկուցվող հարցերի փաթեթով Արժույթի միջազգային հիմնադրամի կառավարիչների խորհրդի կողմից ընդունված քվոտաների 16-րդ վերանայման հիմքով Հայաստանի քվոտայի աճի վերաբերյալ Հայաստանի Հանրապետության անունից համաձայնություն տալու մասին որոշում կայացրեց:
Նախագծի հիմնավորման մեջ նշված է, որ ներկայում ԱՄՀ-ում Հայաստանի քվոտան կազմում է 128.8 միլիոն հատուկ փոխառության իրավունք, որը կազմում է ԱՄՀ ընդհանուր քվոտայի 0.03%-ը, և համաձայն որի՝ Հայաստանին բաժին է ընկնում ԱՄՀ կառավարիչների խորհրդի ձայների 0.05%-ը: ԱՄՀ քվոտաների16-րդ վերանայման արդյունքում Հայաստանի Հանրապետության քվոտան ևս առաջարկվում է ավելացնել 50%-ով՝ մինչև 193.2 միլիոն հատուկ փոխառության իրավունք:
«Քվոտաների 16-րդ ընդհանուր վերանայմանշրջանակներում ներպետական գործընթացը պատշաճ կազմակերպելու նպատակով առաջարկվում է ընդունել «Արժույթի միջազգային հիմնադրամի կառավարիչների խորհրդի կողմից ընդունված քվոտաների 16-րդ վերանայման հիմքով Հայաստանի Հանրապետության քվոտայի աճի վերաբերյալ Հայաստանի Հանրապետության անունից համաձայնություն տալու մասին» Հայաստանի Հանրապետության Կառավարության որոշումը, որով կապահովվեն Հայաստանի Հանրապետության քվոտայի աճին բաժանորդագրության հետագա գործընթացները»,- նշված է կառավարության ներկայացրած հիմանավորման մեջ։
Նախագծի ընդունմամբ, ըստ կառավարության, կապահովվի ստորագրված պայմանագրի կապակցությամբ ստանձնված պարտավորությունների կատարումը:
