17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
ԱՄՆ-ից հետո նաև Իսրայելն է հայտարարել ՄԱԿ-ի մարդու իրավունքների խորհրդից դուրս գալու մասին
Քաղաքականություն
06.02.2025 | 12:46
Իսրայելը, հետևելով ԱՄՆ-ին, հայտարարել է ՄԱԿ-ի Մարդու իրավունքների խորհրդից (UNHRC) դուրս գալու մասին: Այս մասին X սոցցանցում հայտնել է Իսրայելի արտգործնախարար Գիդեոն Սաարը, փոխանցում է DW-ի ռուսական ծառայությունը։
Նա գրել է, որ Իսրայելը ողջունում է ԱՄՆ նախագահ Դոնալդ Թրամփի՝ ՄԱԿ-ի Մարդու իրավունքների խորհրդի աշխատանքներին չմասնակցելու որոշումը։
«ՄԱԿ-ն ավանդաբար պաշտպանում է մարդու իրավունքները խախտողներին՝ թույլ տալով նրանց թաքնվել վերահսկողությունից, և փոխարենը մոլուցքով սատանայացնում է Մերձավոր Արևելքի միակ ժողովրդավարությունը՝ Իսրայելը: Այս մարմինը կենտրոնացել է ժողովրդավարական երկրի վրա հարձակվելու և հակասեմականության քարոզչության վրա՝ մարդու իրավունքների պաշտպանության փոխարեն»,- հայտարարել է Գիդեոն Սաարը:
Նրա խոսքով՝ «ընդունվել է Իսրայելին դատապարտող ավելի քան 100 բանաձև, ինչը Խորհրդում երբևէ ընդունված բոլոր բանաձևերի 20%-ից ավելին է․ ավելի, քան Իրանի, Կուբայի, Հյուսիսային Կորեայի և Վենեսուելայի պարագայում միասին վերցրած»։
«Իսրայելն այլևս չի հանդուրժի այս խտրականությունը»,- գրել է Սաարը։
Թարգմանությունը՝ Տաթև Ֆռանգյանի
