22.06.2026 | 13:35
ՏԿԵ փոխնախարարը ընդերքօգտագործողների հետ քննարկել է փոշեճնշիչ սարքավորումների պարտադիր կիրառումը
Ոստիկանության կողմից ցուցարարների նկատմամբ բռնությունը կտրուկ աճել է. Վրաստանի օմբուդսմեն
Քաղաքականություն
06.02.2025 | 15:10
Ցույցերի ժամանակ վրացական ոստիկանության գործողությունները գնալով ավելի դաժան են դառնում։ Այս մասին PalitraNews-ին տված հարցազրույցում ասել է Վրաստանի հանրային պաշտպան Լևան Իոսելիանին, փոխանցում է Նովոստի-Գրուզիան։
«Եթե համեմատենք այս տարվա և անցյալ տարվա բողոքի ակցիաները, ոստիկանության գործողությունները գնալով ավելի դաժան են դառնում։ Եթե նախկինում տասը ձերբակալվածներից մեկ երրորդն էր հայտնում դաժան վերաբերմունքի մասին, ապա այժմ այդ թիվը հասել է 70-80%-ի։ Վիճակագրությունը շատ տագնապալի է։ Այս վիճակագրությունը ցույց է տալիս, որ ոստիկանության գործողությունները, նախորդ ժամանակահատվածի համեմատ, կտրուկ փոխվել են»,- հավելել է օմբուդսմենը։
Նա նշել է, որ չնայած անվտանգության ուժերի կողմից տասնյակ ցուցարարներ ծեծի են ենթարկվել, «ոչ մի ոստիկան կամ պաշտոնյա պատասխանատվության չի ենթարկվել»։
Իոսելիանին խոստացել է, որ իր աշխատակազմը կգնահատի Հատուկ քննչական ծառայության աշխատանքը, որը պատասխանատու է համապատասխան փաստերի ուսումնասիրության համար։
Թարգմանությունը՝ Տաթև Ֆռանգյանի
