08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Թրամփը կցանկանար Իրանը տեսնել մեծ ու բարգավաճ երկիր, բայց «առանց միջուկային զենքի»
Քաղաքականություն
05.02.2025 | 20:23
ԱՄՆ նախագահ Դոնալդ Թրամփը հայտարարել է, որ կցանկանար Իրանը տեսնել որպես «մեծ ու բարգավաճ երկիր», բայց առանց միջուկային զենքի։ Այս մասին նա գրել է Truth Social սոցիալական ցանցում։
«Ես ցանկանում եմ, որ Իրանը լինի մեծ ու հաջողակ երկիր, բայց որը չի կարող ունենալ միջուկային զենք։ Հաղորդումները, որը ԱՄՆ-ն, Իսրայելի հետ աշխատելով, պատրաստվում է Իրանին ջարդուփշուր անել, խիստ չափազանցված են»,- գրել է Թրամփը՝ նշելով, որ կնախընտրեր հաստատված միջուկային խաղաղության համաձայնագիր, որն Իրանին թույլ կտար խաղաղ զարգանալ ու բարգավաճել։
«Մենք պետք է անհապաղ սկսենք աշխատել դրա ուղղությամբ և մեծ Մերձավոր Արևելքի տոնակատարություն կազմակերպենք, երբ այն ստորագրվի և ավարտվի: Աստված օրհնի Մերձավոր Արևելքը»,- գրել է Թրամփը։
Նախօրեին նա գործադիր հրաման էր ստորագրել Իրանի վրա «առավելագույն ճնշումը» վերսկսելու մասին։ ԱՄՆ նախագահն ասել էր, որ ուրախ չէ այդ կապակցությամբ և հույս ունի, որ այն «շատ հաճախ» օգտագործելու կարիք չի ունենա։
Փաստաթուղթը հանձնարարում է ԱՄՆ ֆինանսների նախարարին «առավելագույն տնտեսական ճնշում» գործադրել Իրանի վրա, ներառյալ՝ պատժամիջոցներն ու կիրառման մեխանիզմները նրանց նկատմամբ, որոնք խախտում են գործող սահմանափակումները։
Թարգմանությունը՝ Էմմա Չոբանյանի
