01.06.2026 | 22:54
Ինչպես հայտագրել առաջին դասարանցիներին
Երևանի քաղաքապետարանում ձերբակալությունները կապված են կաշառքի գործի հետ
Հասարակություն
05.02.2025 | 16:52
Երևանի քաղաքապետարանում ձերբակալությունները կապված են կաշառքի հետ։ Այս մասին հայտնում են իրավապահ մարմիններում Factor․am-ի աղբյուրները։ Ավելի վաղ գրել ենք, որ ձերբակալված անձանցից մեկը հասարակական կարգի պահպանության ծառայության պետ Արամ Գյուլզադյանն է, մյուս ձերբակալվածը փաստաբան Ռոբերտ Դարբինյանն է։
Factor.am-ին հայտնի դարձավ, որ ձերբակավածների շարքում են նաև Քաղաքաշինության և հողի վերահսկողության վարչության պետ Սամվել Ղուկասյանի տեղակալ Արամ Այվազյանը և նույն վարչության բաժնի պետերից մեկը՝ Միքայել Ղիմոյանը։
Նշենք, որ, ըստ մեզ հասած տվյալների՝ կաշառք տալու մեջ մեղադրվող անձանց մեջ կան արդեն իսկ ազատ արձակվածներ, իսկ ինչ վերաբերում է կաշառք ստանալու մեջ մեղադրվողներին, ամենայն հավանականությամբ, նրանց կալանավորելու միջնորդություն կներկայացվի դատարան։ Գործով անցնող անձանց մեջ կան նաև ենթադրյալ հանցագործությանն օժանդակելու մեջ մեղադրող անձինք՝ ենթադրյալ կաշառքի միջնորդներ։ Այս պահի դրությամբ գործով մեղադրյալի կարգավիճակ ունի առնվազն 7 անձ։
Արաքս Մամուլյան
