12.01.2026 | 18:45
Սուգ, զոհեր, «փակված երկիր»․ ինչ է հայտնի Իրանում տեղի ունեցողի մասին․ ՏԵՍԱՆՅՈՒԹ
Հայտնի է քաղաքապետարանի գործով ձերբակալվածներից ևս մեկի անունը
Հասարակություն
05.02.2025 | 15:38
Քաղաքապետարանի գործով ձերբակալվածներից մեկը փաստաբան Ռոբերտ Դարբինյանն է։ Այս մասին հայտնում են իրավապահ մարմիններում Factor TV-ի աղբյուրները։ Դարբինյանը 2018 թվականին եղել է Երևանի քաղաքապետարանի քաղաքաշինության և հողի վերահսկողության վարչության պետը։
Փաստաբանին ազատությունից զրկելու դեպքում Փաստաբանների պալատն այս մասին ծանուցվում է։ Պալատին ծանուցվել է փաստաբանի ձերբակալման մասին, թե ոչ, այս պահին մեզ ճշտել չի հաջողվել։
Ավելի վաղ հայտնել էինք, որ Երևանի քաղաքապետարանում այսօր ձերբակալված պաշտոնյաներից մեկը հասարակական կարգի պահպանության ծառայության պետ Արամ Գյուլզադյանն է։
Մինչ այդ Քաղաքապետի մամուլի խոսնակ Հայկ Կոստանյանն էր տարածել ձերբակալությունների մասին տեղեկությունը՝ մանրամասներ չհայտնելով։ «Հարգելի՛ գործընկերներ, տեղեկացնում եմ, որ ձերբակալվել են Երևանի քաղաքապետարանի աշխատակիցներ։ Քաղաքապետարանը համագործակցում է իրավապահ մարմինների հետ՝ օրենքով սահմանված ընթացակարգերին աջակցելու նպատակով։ Լրացուցիչ տեղեկությունների համար կարող եք դիմել ՀՀ հակակոռուպցիոն կոմիտե»,- հայտնել է Կոստանյանը։
Հակակոռուպցիոն կոմիտեից ևս այս պահին միայն հաստատում են ձերբակալված անձանց առկայության մասին տեղեկությունը՝ այլ մանրամասներ չհայտնելով։
Արաքս Մամուլյան
