30.04.2026 | 12:22
Խուլիան Ալվարեսը գերազանցել է Մեսիի ցուցանիշը Չեմպիոնների լիգայում
Պոտոմակ գետից դուրս են բերվել Վաշինգտոնում կործանված ինքնաթիռի բոլոր զոհերի մարմինները․ 66-ի ինքնությունը հաստատվել է
Քաղաքականություն
05.02.2025 | 15:47
Պոտոմակ գետից դուրս են բերվել Վաշինգտոնի մերձակայքում վթարի ենթարկված ինքնաթիռի օդաչուների խցիկի և պոչի մասերը, իսկ զոհված բոլոր 67 մարդկանց մարմինները դուրս են բերվել, հայտնել են հրշեջ ծառայությունից։
Ճանաչվել է 66 մարդու աճյուն։ Փրկարարները շարունակում են գետից դուրս բերել Bombardier CRJ-700 ինքնաթիռի և Black Hawk ուղղաթիռի բեկորները։ Տեղի պաշտոնյաները հայտնում են, որ դա կտևի մի քանի օր:
Քննիչները շարունակում են Ռոնալդ Ռեյգանի անվան ազգային օդանավակայանում մարդատար ինքնաթիռի և ռազմական ուղղաթիռի բախման հետաքննությունը։ Տրանսպորտի անվտանգության ազգային խորհուրդը, որը ղեկավարում է հետաքննությունը, ավելի վաղ հայտնել էր, որ բախման պահին ուղղաթիռը մոտ 300 ոտնաչափ բարձրություն է ունեցել:
Սա բարձր է 200 ոտնաչափ բարձրությունից, որը թույլատրելի է ուղղաթիռների համար՝ դաշնային ավիացիոն վարչության կանոնների համաձայն:
Այնուամենայնիվ, փորձագետները նախազգուշացրել են, որ անհրաժեշտ է լրացուցիչ տեղեկատվություն, որը կստացվի Black Hawk-ից, երբ այն կհանեն ջրից, հաղորդում է CNBC-ն։
Թարգմանությունը՝ Տաթև Ֆռանգյանի
