10.08.2026 | 16:46
Պարոն Ղազարյանը դո՞ւրս է ձեր վերահսկողությունից, կարգի հրավիրե’ք. Էդուարդ Աղաջանյան. ՏԵՍԱՆՅՈՒԹ
Ալեն Սիմոնյանին 120 հազար դրամ արժեքով հուշանվեր են նվիրել
Քաղաքականություն
05.02.2025 | 13:13
Ֆինլանդիայի խորհրդարանի նախագահ Յուսսի Հալլա-Ահո Քրիստիանը ՀՀ ԱԺ նախագահ Ալեն Սիմոնյանին «Ապակե թռչուն» հուշանվերն է նվիրել։ Այս մասին Factor.am-ը տեղեկանում է Ալեն Սիմոնյանի ներկայացրած հայտարարագրից։ Հուշանվերի արժեքը 120 հազար դրամ է։
Ալեն Սիմոնյանը նվերը ստացել է հունվարին Երևանում անցկացված Հյուսիսային Եվրոպայի և Բալթյան երկրների խորհրդարանի նախագահաների և փոխնախագահների մասնակցությամբ կայացած միջոցառման շրջանակներում։
Հիշեցնենք՝ «Հանրային ծառայության մասին» օրենքում կատարված փոփոխությունների արդյունքում սահմանվել են հանրային ծառայողների կողմից նվերներ ընդունելու վերաբերյալ նոր կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև՝ աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60.000 ՀՀ դրամը:
Նարեկ Կիրակոսյան
