24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
USAID-ն արձակուրդ է ուղարկում ամբողջ աշխարհում իր գրասենյակների աշխատակիցներին
Քաղաքականություն
05.02.2025 | 13:53
ԱՄՆ Միջազգային զարգացման գործակալությունը (USAID) հայտարարել է, որ փետրվարի 7-ին՝ տեղական ժամանակով 23:59-ին բոլոր գրասենյակների և ներկայացուցչությունների աշխատակիցները կտեղափոխվեն վարչական արձակուրդ։ Բացառություններ են արվելու կարևորագույն գործառույթների համար պատասխանատու աշխատողների, ինչպես նաև հատուկ նշանակված ծրագրերի հիմնական ղեկավարության և անձնակազմի համար:
USAID-ի մամուլի հաղորդագրության համաձայն՝ գործակալությունը, առաքելությունների և Պետքարտուղարության հետ համակարգելով, գործողությունների ծրագիր է պատրաստում Միացյալ Նահանգներից դուրս աշխատող աշխատակիցների համար։ Համաձայնագրի համաձայն՝ USAID-ը կկազմակերպի և կվճարի այդ անձանց ԱՄՆ վերադարձը 30 օրվա ընթացքում և կապահովի պայմանագրերի խզումը, որոնք նշանակված չեն որպես էական: Գործակալությունը կքննարկի նշված ժամկետների երկարաձգման անհրաժեշտությունը յուրաքանչյուր դեպքի համար անհատական հիմունքներով:
ԱՄՆ Միջազգային զարգացման գործակալությունը ստեղծվել է 1961 թվականին՝ այլ երկրներին մարդասիրական օգնություն տրամադրելու նպատակով։ Հունվարի 20-ին՝ իր երդմնակալության օրը, ԱՄՆ նախագահ Դոնալդ Թրամփը 90 օրով սառեցրել է USAID-ի նախաձեռնությունները, այդ ընթացքում նրանց ծրագրերը պետք է վերանայվեն։
Փետրվարի 3-ին Թրամփը USAID-ի ղեկավարի ժամանակավոր պաշտոնակատար է նշանակել պետքարտուղար Մարկո Ռուբիոյին:
Թարգմանությունը՝ Տաթև Ֆռանգյանի
