Էրդողանը Սիրիայի անցումային նախագահի հետ քննարկել է քրդական խմբավորումների դեմ պայքարը

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Թուրքիայի նախագահ Ռեջեփ Թայիփ Էրդողանը հայտարարել է, որ Սիրիայի նորանշանակ անցումային նախագահ Ահմեդ ալ-Շարաայի հետ Անկարայում քննարկել են Սիրիայի հյուսիս-արևելքում քրդական խմբավորումների դեմ ձեռնարկվելիք քայլերը, հաղորդում է TRT Haber-ը:

Նախօրեին ալ-Շարաայի հետ Անկարայում կայացած մամուլի ասուլիսում Էրդողանն ասել է, որ Թուրքիան պատրաստ է օգնել Սիրիայի նոր ղեկավարությանն ինչպես ԻԼԻՊ-ի, այնպես էլ քուրդ զինյալների դեմ պայքարում: Ընդգծելով, որ Սիրիայի նկատմամբ Անկարայի քաղաքականության հիմքը միշտ եղել է այդ երկրի տարածքային ամբողջականության և միասնության պահպանումը, Էրդողանը հայտարարել է, որ իր հանդիպումը Շարաայի հետ անցել է այս սկզբունքով կառուցված անկեղծ մթնոլորտում։

«Մասնավորապես, մենք քննարկել ենք այն քայլերը, որոնք անհրաժեշտ է ձեռնարկել անջատողական ահաբեկչական կազմակերպության և նրա աջակիցների դեմ, որոնք գրավել են Սիրիայի հյուսիս-արևելքը։ Ես նրան ասացի, որ մենք պատրաստ ենք Սիրիային անհրաժեշտ աջակցություն ցուցաբերել ահաբեկչության բոլոր ձևերի դեմ պայքարում, լինի դա ԻԼԻՊ-ը, թե PKK-ն։ Մենք նաև հաստատել ենք, որ նրանց հետ ենք Սիրիայի հյուսիս-արևելքում գտնվող ճամբարների վերահսկողության համատեքստում։ Ցանկանում եմ մեր գոհունակությունը հայտնել ահաբեկչության դեմ պայքարում Ահմեդ ալ-Շարայի ամուր կամքի կապակցությամբ»,- ասել է Թուրքիայի նախագահը։

Ըստ Էրդողանի՝ հանուն երկու երկրների և տարածաշրջանի բարօրության՝ այլ ելք չունեն, քան միավորել ուժերը նույն նպատակին հասնելու համար։

«Ես հավատում եմ, որ գործելով համերաշխ՝ մենք կապահովենք, որ մեր ընդհանուր աշխարհագրությունում տիրի խաղաղության և վստահության մթնոլորտ՝ զերծ ահաբեկչությունից»,- հավելել է նա։

Էրդողանը նաև Շարաայի այցն Անկարա որակել է որպես «պատմական» կարևոր իրադարձություն՝ ազդարարելով երկու երկրների միջև կայուն բարեկամության և համագործակցության նոր դարաշրջանի սկիզբը։

Նա խոսել է նաև Թուրքիայի պատրաստակամության մասին՝ օգնելու վերականգնել սիրիական ավերված քաղաքները և հավելել, որ տնտեսական վերականգնման արագացումը կխրախուսի սիրիացի փախստականների կամավոր վերադարձը։ Թուրքիայի նախագահը նաև կոչ է արել միջազգային հանրությանը չեղարկել Սիրիայի դեմ պատժամիջոցները՝ նշելով, որ այդ ուղղությամբ Անկարայի ջանքերը շարունակվելու են։

Թարգմանությունը՝ Էմմա Չոբանյանի