30.04.2026 | 12:22
Խուլիան Ալվարեսը գերազանցել է Մեսիի ցուցանիշը Չեմպիոնների լիգայում
Թրամփը ստորագրել է ՄԱԿ-ի մի շարք կառույցներից ԱՄՆ-ի դուրս գալու մասին հրամանը
Քաղաքականություն
05.02.2025 | 10:58
ԱՄՆ նախագահ Դոնալդ Թրամփը հրաման է ստորագրել, որով Միացյալ Նահանգները դուրս է գալիս ՄԱԿ-ի մի շարք մարմիններից, այդ թվում՝ Մարդու իրավունքների խորհրդից (UNHRC)։ Հրամանում ասվում է նաև, որ Միացյալ Նահանգները կդադարեցնի իր համագործակցությունը պաղեստինցիներին օգնություն ցուցաբերող ՄԱԿ-ի գլխավոր գործակալության (UNRWA) հետ:
Ըստ AFP-ի՝ այս քայլը ՄԱԿ-ի գործակալություններում «հակաամերիկյան կողմնակալության» պատասխանն է։
«Ընդհանուր առմամբ, հրամանը պահանջում է վերանայել ԱՄՆ-ի ֆինանսավորումը ՄԱԿ-ում՝ հաշվի առնելով երկրների միջև ֆինանսավորման հսկայական տարբերությունները և մակարդակները», – ասել է Սպիտակ տան քարտուղար Ուիլ Շարֆը:
Թրամփն արդեն տևական ժամանակ քննադատում է միջազգային կազմակերպություններին՝ դժգոհելով, որ Վաշինգտոնի ֆինանսավորումը շատ ավելի մեծ է և կոչ անելով մյուս երկրներին ավելացնել իրենց ներդրումները:
Թարգմանությունը՝ Տաթև Ֆռանգյանի
