13.01.2026 | 14:00
Կաշկանդված չենք քննադատել Սոլովյովի հայտարարությունը․ Իշխան Սաղաթելյան․ ՏԵՍԱՆՅՈՒԹ
Կոնգոյում կապիկի ծաղիկով ավելի քան 100 հիվանդ է փախել բուժհաստատություններից
Քաղաքականություն
04.02.2025 | 23:00
Կոնգոյի Դեմոկրատական Հանրապետության (ԿԴՀ) արևելքում կապիկի ծաղիկով 128 հիվանդ փախուստի է դիմել բուժման կենտրոններից, հայտնում է Actualite պորտալը՝ վկայակոչելով հանրապետության առողջապահության նախարարության զեկույցը։
Անցյալ ամսից հանրապետությունում շարունակվել են բախումներն ապստամբների հետ։ Պորտալի տվյալներով՝ Գոմա, Կարիսիմբի և Նիրագոնգո բժշկական գոտիներում տեղակայված որոշ կենտրոններ թալանվել են։ Նախարարությունը մատնանշել է բախումների ընթացքում առաջացած մի շարք խնդիրներ, այդ թվում՝ դեղերի պակաս, թալան, ջրի և էլեկտրականության բացակայություն, դիակառքերի, շտապօգնության մեքենաների անբավարար քանակություն։
Գերատեսչությունը նաև հայտնել է վնասվածքաբանների, դիմածնոտային վիրաբույժների և անեսթեզիոլոգ-ռեանիմատոլոգների թիմերի պակասի մասին:
Կոնգոյի առողջապահության նախարարության տվյալներով՝ անցած շաբաթվա ընթացքում երկրում գրանցվել է կապիկի ծաղիկի կասկածանքով 2707 դեպք, որոնցից 516-ը հաստատվել է, 38-ը՝ հանգեցրել մահվան:
Երկրում իրավիճակը սրվել է հունվարի վերջին։ Զինված բախումներ են տեղի ունեցել կառավարական ուժերի և «Մարտի 23-ի շարժման» (M23) ապստամբների միջև, որոնց, ՄԱԿ-ի կարծիքով, աջակցում է Ռուանդան: Ապստամբներին հաջողվել է գրավել 2 միլիոն բնակչություն ունեցող Գոմա քաղաքը։ Փետրվարի 1-ի դրությամբ՝ Կոնգոյում մարտերի ընթացքում զոհվել է 700 մարդ, վիրավորվել՝ 2,8 հազարը։
Թարգմանությունը՝ Տաթև Ֆռանգյանի
