10.08.2026 | 11:28
Նեթանյահուն մերժել է Գազայի հարցով Թրամփի ծրագիրը
Յենս Ստոլտենբերգը Նորվեգիայի ֆինանսների նախարար է նշանակվել
Քաղաքականություն
04.02.2025 | 15:28
Նորվեգիայի ֆինանսների նոր նախարար է դարձել ՆԱՏՕ-ի նախկին գլխավոր քարտուղար Յենս Ստոլտենբերգը։ Նրա անունը ներառված է Նորվեգիայի վարչապետ Յոնաս Գահր Ստյորենի հայտարարած նոր կաբինետի անդամների ցանկում, հայտնում է NRK-ն։
Ստոլտենբերգը հաստատել է, որ ընդունել է գանձապետարանը գլխավորելու առաջարկը։
Նորվեգիայի կառավարությունում վերադասավորումները սկսվել են հունվարի վերջին՝ այն բանից հետո, երբ Կենտրոնական կուսակցությունը հայտարարել է, որ դուրս է գալիս կոալիցիայից Լեյբորիստական կուսակցության հետ տարաձայնությունների պատճառով: Ֆինանսների նախարարը եղել է Կենտրոնական կուսակցությունը գլխավորող Տրիգվե Վեդումը, որին էլ կփոխարինի Յենս Ստոլտենբերգը։
Նորվեգիայի կառավարությունն այժմ բաղկացած է միայն Լեյբորիստական կուսակցության նախարարներից՝ 25 տարվա մեջ առաջին անգամ:
Ստոլտենբերգը երկրորդ անգամ է դառնում ֆինանսների նախարար. նա առաջին անգամ այդ պաշտոնը ստանձնել է 1996 թվականին, երբ Նորվեգիայի վարչապետն էր Թոբյեր Յագլանդը:
Յենս Ստոլտենբերգը ՆԱՏՕ-ի գլխավոր քարտուղարի պաշտոնը լքել է 2024 թվականի հոկտեմբերին։ Նա այս պաշտոնը զբաղեցրել է 10 տարի։
Թարգմանությունը՝ Տաթև Ֆռանգյանի
