Վրաստանը, Ադրբեջանը, Ռումինիան և Հունգարիան համատեղ էներգետիկ ձեռնարկություն են հիմնել

Բուխարեստում հաջողությամբ ավարտվել է Green Energy Corridor Power Company-GECO POWER COMPANY համատեղ ձեռնարկության գրանցման գործընթացը՝ Վրաստանի, Ադրբեջանի, Ռումինիայի և Հունգարիայի հաղորդման համակարգի օպերատորների մասնակցությամբ: Այս մասին հայտնում է Վրաստանի էկոնոմիկայի և կայուն զարգացման նախարարությունը, փոխանցում է վրացական «Առաջին ալիքը»։

Գերատեսչության տվյալներով՝ այս փուլում համատեղ ձեռնարկությունը Կանաչ էներգետիկ միջանցքի շրջանակում կզբաղվի գիտահետազոտական ​​և նախագծային աշխատանքներով։ Դրա ստեղծման հիմնական նպատակը Կանաչ էներգետիկ միջանցքի նախագծի իրականացումն է, որը, մասնավորապես, նախատեսում է Սև ծովով ստորջրյա բարձրավոլտ փոխանցման մալուխի կառուցում։

Ռազմավարական գործընկերության համաձայնագրի և կանաչ էներգիայի ոլորտում համագործակցության հուշագրի շրջանակում, որը 2023 թվականի հուլիսի 25-ին Ադրբեջանի, Վրաստանի, Ռումինիայի և Հունգարիայի կառավարությունները ստորագրել էին համատեղ ձեռնարկություն ստեղծելու մասին, սահմանում է դրա գործունեության հիմնական սկզբունքները։

Սևծովյան մալուխի նախագիծը խոշոր ենթակառուցվածքային նախագիծ է, որն ուղղակիորեն կմիացնի Վրաստանն ու Ռումինիան, իսկ ավելի լայն առումով՝ Հարավային Կովկասի և Հարավարևելյան Եվրոպայի էներգետիկ համակարգերը: Նախագիծը ներառում է նաև օպտիկամանրաթելային հեռահաղորդակցության մալուխի կառուցում, որը կանցկացվի նույն միջանցքում։ Մալուխի շինարարությունը նախատեսվում է ավարտել մինչև 2030 թվականը։

GECO POWER COMPANY-ի հիմնադիրներն են՝ Ադրբեջանից «Ազերէներջի» ԲԲԸ-ն, Վրաստանից «Վրաստանի պետական ​​էլեկտրաէներգետիկ համակարգ» ընկերությունը, Հունգարիայից MVM ​​Energy Private Limited և Ռումինիայից National Power Grid Company Transelectrica S.A. ընկերությունները։

Թարգմանությունը՝ Էմմա Չոբանյանի