17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
ԵՄ-ն պատրաստվում է «կոշտ» երկխոսության ԱՄՆ-ի հետ. Ֆոն դեր Լեյեն
Քաղաքականություն
04.02.2025 | 15:47
Եվրամիությունը հավատարիմ է ԱՄՆ-ի հետ կառուցողական հարաբերություններին, սակայն պատրաստ է կոշտ արձագանքել իր ամերիկացի գործընկերների կամայական կամ անարդար որոշումներին։ ԵՄ-ն պատրաստ է ամուր կերպով պաշտպանել իր արժեքներն ու շահերը: Այս մասին հայտարարել է Եվրահանձնաժողովի նախագահ Ուրսուլա ֆոն դեր Լեյենը Բրյուսելում պետությունների ղեկավարների և ԵՄ առաջնորդների ոչ պաշտոնական հանդիպումից հետո կայացած մամուլի ասուլիսում, գրում է Ukrinform-ը։
«Առաջին հարցը, որը մենք քննարկել ենք, մեր անդրատլանտյան գործընկերությունն էր: Այն սահմանում է մեր ամենակարևոր հարաբերությունները, որոնք հիմնարար են խաղաղության, անվտանգության և բարգավաճման համար։ Եվրամիությունը պատրաստվում է կոշտ, բայց կառուցողական երկխոսության Միացյալ Նահանգների հետ»,- ասել է ֆոն դեր Լեյենը։
Նրա խոսքով՝ ԵՄ-ն լիովին գիտակցում է իր ներքին մարտահրավերները և պատրաստ է կատարել իր «տնային աշխատանքը»՝ դրանք լուծելու համար։ Այս ջանքերի հիմնական նպատակը կլինի եվրոպական տնտեսության մրցունակության ապահովումը, որի հիմնական սկզբունքները և դրանց հասնելու ճանապարհային քարտեզը շարադրված են վերջերս ընդունված ԵՄ մրցունակության կողմնացույցում:
Թարգմանությունը՝ Տաթև Ֆռանգյանի
