17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Հարավային Կորեան հայտարարել է, որ հյուսիսկորեական զորքերը հունվարի կեսերից չեն մասնակցում Ուկրաինայի դեմ ռազմական գործողություններին
Քաղաքականություն
04.02.2025 | 14:42
Հյուսիսային Կորեայի զորքերը, ըստ ամենայնի, չեն մասնակցում Կուրսկի շրջանում մարտերին՝ մեծ կորուստների պատճառով։ Այս մասին գրում է AFP-ն՝ վկայակոչելով հարավկորեական հետախուզությունը, փոխանցում է BBC-ի ռուսական ծառայությունը։
«Հունվարի կեսերից, կարծես, Ռուսաստանի Կուրսկի շրջանում տեղակայված հյուսիսկորեական զորքերը չեն մասնակցում ռազմական գործողություններին»,- ասվում է Հարավային Կորեայի Ազգային հետախուզական ծառայության (NIS) հայտարարության մեջ։
Դեռևս նախորդ շաբաթ New York Times-ը, հղում անելով ամերիկյան և ուկրաինական աղբյուրներին, հայտնել էր, որ հյուսիսկորեական զորքերը դուրս են բերվել առաջնագծից կորուստների պատճառով։ Լրատվամիջոցը գրել էր, որ նրանք չեն երևացել առաջնագծում շուրջ երկու շաբաթ, այսինքն՝ մոտավորապես հունվարի կեսերից։ Միաժամանակ, New York Times-ի զրուցակիցները նշել են, որ զորքերի հետքաշման որոշումը կարող է ժամանակավոր լինել։
Արևմտյան աղբյուրներն էլ ավելի վաղ BBC-ին հայտնել էին, որ մինչև հունվարի կեսերը Կուրսկի շրջանում շուրջ հազար հյուսիսկորեացի զինվոր կարող էր զոհված լինել։
Թարգմանությունը՝ Էմմա Չոբանյանի
