16.11.2024 | 13:49
Վանաձորում ձին ընկել է դիտահորը
Կամ խաբել են իրենց, կամ վախեցել են գնալ քվեարկության. ԲՀԿ-ում վերլուծել են ընտրության արդյունքները . «Հրապարակ»
26.09.2018 | 09:13
«Հրապարակ» թերթը գրում է.
«Երեւանի ավագանու ընտրությունների օրը ԲՀԿ թիմն ընտրության արդյունքներին հետեւել է «կանյաչնիից», բայց առանց Ծառուկյանի։ Գրեթե ողջ խմբակցությունն է եղել։ Պատգամավորները վաղ առավոտից տարբեր շրջաններում հետեւել են ընտրությունների ընթացքին, ապա հավաքվել գործարանի իրենց գրասենյակում։ Արդյունքները նրանց համար շատ անսպասելի են եղել։
Նաիրա Զոհրաբյանը երեկոյան 10-ին մոտ հեռացել է՝ «սիրտը չի դիմացել»։
ԲՀԿ-ում վերլուծել են, որ մարդիկ իրենց խաբել են կամ էլ վախեցել են գնալ քվեարկության՝ ընտրությունների նախորդ օրը ոստիկանության գործողություններով պայմանավորված։ Ի տարբերություն 25 հազար 219՝ 6,61 տոկոս քվե ստացած ԲՀԿ-ի, «Լույս» դաշինքում գոհ են իրենց ցուցանիշից՝ 18 հազար 112 ձայն կամ 4,98 տոկոս։ Նրանք համեմատվում են ԲՀԿ-ի հետ, եւ չի բացառվում, որ ապագայում քննարկեն կառավարությունից իրենց նախարարների դուրս գալու եւ իշխանություններին այլընտրանք դառնալու հարցը։
Առավել մանրամասն՝ թերթի այսօրվա համարում:
