08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Լավրովը ԱՊՀ երկրների դեսպանների, այդ թվում` Գուրգեն Արսենյանի հետ քննարկել է անվտանգության նոր ճարտարապետության ձևավորման հարցը
Քաղաքականություն
03.02.2025 | 19:57
ՌԴ ԱԳ նախարար Սերգեյ Լավրովը և ԱՊՀ երկրների դեսպանները նախանշել են համագործակցության հիմնական խնդիրները և քննարկել Եվրասիայում անվտանգության նոր ճարտարապետության ձևավորումը։ Այս մասին ասվում է ՌԴ ԱԳՆ հայտարարության մեջ Մոսկվայում անցկացված ավանդական հանդիպման արդյունքների վերաբերյալ, որին մասնակցել է նաև ԱՊՀ գլխավոր քարտուղար Սերգեյ Լեբեդևը, գրում է ՏԱՍՍ-ը։
Հանդիպմանը մասնակցել է նաև ՌԴ-ում ՀՀ դեսպան Գուրգեն Արսենյանը։
«Միջոցառման ընթացքում ամփոփվել են 2024 թվականին Ռուսաստանի նախագահությամբ ԱՊՀ ձևաչափով համագործակցության արդյունքները, նախանշվել են ապագայի հիմնական խնդիրները՝ շեշտը դնելով արտաքին քաղաքականության համակարգման հետագա ամրապնդման, առևտրատնտեսական, մշակութային և հումանիտար ոլորտներում համագործակցության զարգացման վրա, այդ թվում՝ անվտանգության ոլորտում»,- ասվում է տարածված հաղորդագրությունում։
Նշում է, որ հանդիպման մասնակիցները նաև «կարծիքներ են փոխանակել արդի գլոբալ և տարածաշրջանային խնդիրների շուրջ, այդ թվում՝ Եվրասիայում հավասար և անբաժանելի անվտանգության նոր ճարտարապետություն ձևավորելու ՌԴ նախագահ Վլադիմիր Պուտինի նախաձեռնության իրականացման համատեքստում»։
Թարգմանությունը՝ Էմմա Չոբանյանի
