08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԱՀԿ-ն սառեցրել է նոր աշխատակիցների ընդունումը՝ կազմակերպությունից ԱՄՆ-ի դուրս գալուց հետո
Քաղաքականություն
03.02.2025 | 18:50
Առողջապահության համաշխարհային կազմակերպությունը (ԱՀԿ) սառեցրել է նոր աշխատակիցների ընդունումը և սահմանափակել է ճամփորդությունները՝ կազմակերպությունից ԱՄՆ-ի դուրս գալուց հետո ճգնաժամի պատճառով, ասել է կազմակերպության ղեկավար Թեդրոս Ադհանոմ Գեբրեյեսուսը, փոխանցում է ՌԻԱ Նովոստին:
«ԱՄՆ հայտարարությունը սրել է իրավիճակը, և մենք հայտարարել ենք մի շարք միջոցառումների մասին, որոնք անմիջապես ուժի մեջ են մտնում՝ հնարավորինս պաշտպանելու մեր գործողությունները և անձնակազմին։ Մենք ռազմավարական առումով հավասարեցնում ենք ռեսուրսները, սառեցնում ենք հավաքագրումը՝ բացառությամբ կարևոր ոլորտների, զգալիորեն կրճատում ենք ճանապարհորդությունների ծախսերը»,- ասել է նա կազմակերպության գործադիր կոմիտեի 156-րդ նիստում:
Հիշեցնենք, որ հունվարի 20-ին ԱՄՆ նախագահ Դոնալդ Թրամփը հրամանագիր է ստորագրել ԱՀԿ-ից դուրս գալու մասին՝ պատճառաբանելով, որ երկիրը չափազանց շատ գումար է վճարում կազմակերպությանը՝ մյուսների համեմատությամբ։
Թարգմանությունը՝ Տաթև Ֆռանգյանի
