24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Թրամփը Ուկրաինայի և ՌԴ-ի հետ երկխոսության առաջընթացը «բավական լավ» է որակել
Քաղաքականություն
03.02.2025 | 17:05
ԱՄՆ նախագահ Դոնալդ Թրամփը դրական է արտահայտվել Ուկրաինայի և Ռուսաստանի իշխանությունների հետ պատերազմի դադարեցման հարցով իր վարչակազմի երկխոսության մասին, գրում է DW-ի ռուսական ծառայությունը։
«Մենք հանդիպումներ և քննարկումներ ունենք պլանավորված տարբեր կողմերի հետ, այդ թվում՝ Ռուսաստանի և Ուկրաինայի»,- ասել է նա։
Թրամփը, սակայն, չի հստակեցրել, թե որ կողմերի մասին է խոսքը։
«Կարծում եմ՝ այս քննարկումները բավականին լավ են ընթանում»,- լրագրողների հետ զրույցում հավելել է ԱՄՆ առաջնորդը։
Կիևում և Մոսկվայում Դոնալդ Թրամփի վարչակազմի հետ պատերազմը դադարեցնելու շուրջ երկխոսություն սկսելու մասին հայտարարություն չեն արել։
Հիշեցնենք՝ Թրամփը դեռևս իր նախընտրական քարոզարշավի ժամանակ խոստացել է հնարավորինս շուտ վերջ տալ Ուկրաինայի դեմ Ռուսաստանի պատերազմին, ապա վստահություն հայտնել 100 օրից պատերազմն ավարտելու հնարավորության վերաբերյալ։
Թարգմանությունը՝ Տաթև Ֆռանգյանի
