06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Եվրոյի փոխարժեքը 10 օրում նվազել է շուրջ 9 դրամով, դոլարն ու ռուբլին կայուն են
Տնտեսություն
03.02.2025 | 13:55
Վերջին 10 օրերի ընթացքում եվրոյի փոխարժեքը Հայաստանում նկատելիորեն նվազել է: ՀՀ բանկերում եվրոյի առքի նվազագույն գինն ըստ rate.am հարթակի այս պահին 399 դրամ է, առավելագույնը՝ 405 դրամ, ինչը 9 դրամով ավելի ցածր է, քան հունվարի 24-ին՝ երբ եվրոյի առքը կազմում էր 408 – 414 դրամ։ Եվրոյի վաճառքի նվազագույն փոխարժեքը 412 դրամ է, առավելագույնը՝ 417 դրամ, մինչդեռ 10 օր առաջ այն եղել է 421-425 դրամ։
Առցանց հարթակների տվյալների ուսումնասիրությունը ցույց է տալիս, որ արտարժույթի միջազգային շուկայում ևս եվրոյի որոշակի արժեզրկում կա։ Ըստ wise․com-ի եթե փետրվարի 2-ին դոլար-եվրո փոխարժեքը կազմում էր 0,9651 ապա այս պահին՝ 0,9759։ Ըստ Euronews-ի՝ եվրոյի փոխարժեքը ԱՄՆ դոլարի նկատմամբ նվազել է 0.9%-ով՝ հասնելով 1.02 դոլարի, ինչը 2022 թվականի նոյեմբերի 21-ից ի վեր ամենացածր ցուցանիշն է։
Իսկ դոլարի և ռուբլու փոխարժեքները վերջին 10 օրերին էական փոփոխություններ չեն ունեցել։ Դոլարի առքը պահպանվում է մոտ 394 դրամի սահմաններում, վաճառքը՝ 399 դրամ է, իսկ ռուբլու առքը 3,87 դրամ է, վաճառքը՝ 412 դրամ։
Անի Թամրազյան
