13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Մասկը հայտարարել է USAID-ի լուծարման գործընթացի մասին
Քաղաքականություն
03.02.2025 | 16:07
Ամերիկացի գործարար Իլոն Մասկը, որը ղեկավարում է ԱՄՆ կառավարության արդյունավետության դեպարտամենտը (DOGE), հայտարարել է ԱՄՆ Միջազգային զարգացման գործակալության (USAID) լուծարման գործընթացի մեկնարկի մասին։ Ավելի վաղ ԶԼՄ-ները հայտնել էին, որ USAID-ի անվտանգության երկու բարձրաստիճան պաշտոնյա աշխատանքից ազատվել է DOGE-ի ներկայացուցիչներին գործակալության անվտանգության համակարգեր մուտքի հասանելիություն տրամադրելը մերժելու համար:
«Մենք գտնվում ենք USAID-ի լուծարման գործընթացում»,- ասել է Իլոն Մասկը «X» սոցիալական ցանցի եթերում:
Նա ընդգծել է, որ կառույցը «չի կարող վերականգնվել», հայտնում է Reuters-ը։
USAID-ը ստեղծվել է 1961 թվականին՝ այլ երկրներին մարդասիրական օգնություն տրամադրելու նպատակով։ Հունվարի 20-ին՝ իր երդմնակալության օրը, ԱՄՆ նախագահ Դոնալդ Թրամփը 90 օրով սառեցրեց USAID-ի նախաձեռնությունները, այդ ընթացքում նրանց ծրագրերը պետք է վերանայվեն։
Politico-ն հաղորդում է, որ USAID-ը կարող է զրկվել անկախությունից և հայտնվել Պետքարտուղարության վերահսկողության տակ:
Թարգմանությունը՝ Տաթև Ֆռանգյանի
