17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Վրաստանը չի արդարացնում թեկնածու երկրից ոչ մի ակնկալիք. Կայա Կալլաս
Քաղաքականություն
03.02.2025 | 13:50
Թբիլիսիում խաղաղ ցուցարարների, լրագրողների և քաղաքական գործիչների նկատմամբ դաժան բռնաճնշումներն անընդունելի են, հայտարարել է ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալլասը, փոխանցում է Գրուզիա օնլայնը։
Ըստ Կալլասի՝ Եվրամիությունն աջակցում է վրաց ժողովրդին ազատության և ժողովրդավարության համար պայքարում։
«Վրաստանը չի արդարացնում որևէ ակնկալիք, որը ներկայացված է թեկնածու երկրին: Եվրամիությունը կանգնած է Վրաստանի ժողովրդի կողքին՝ հանուն ազատության և ժողովրդավարության նրանց պայքարում»,- գրել է Կայա Կալլասը։
Հիշեցնենք, որ նախօրեին «Թբիլիսի մոլ»-ին հարող տարածքում ակցիա է անցկացվել։ Նույն վայրում մեծ թվով իրավապահներ են մոբիլիզացվել։ Հանրահավաքին մասնակցել են նաև ընդդիմադիր կուսակցությունների առաջնորդները։ Վրաստանի ՆԳՆ-ն հայտարարություն է տարածել՝ կոչ անելով հանրահավաքի կազմակերպիչներին ու մասնակիցներին օրենքով սահմանված կարգով բողոքի ցույցեր իրականացնել, հակառակ դեպքում, սպառնալով ոստիկանական գործողություններով։
Իրավապահների հետ բախումների հետևանքով ցուցարարներ են տուժել։ Հաղորդվել է ձերբակալվածների մասին։
Թարգմանությունը՝ Տաթև Ֆռանգյանի
