09.10.2026 | 13:43
Մեսիի հրաժեշտի հանդիպումը դիտել է 3,5 միլիարդ մարդ
Վաշինգտոնում ավիավթարի զոհերից 55-ի ինքնությունը հաստատվել է
Քաղաքականություն
03.02.2025 | 13:30
Վաշինգտոնում ավիավթարի հետևանքով զոհված 67 անձանցից 55-ի ինքնությունը հաստատվել է։ Այս մասին հայտնել է քաղաքի հրշեջ և բժշկական ծառայությունների ներկայացուցիչ Ջոն Դոնելին, գրում է AP-ն։
Նշվում է, որ որոնողական աշխատանքներում ներգրավված ջրասուզակները և փրկարարները պահպանում են խիստ արձանագրային կանոնները, մասնավորապես, դիակի հայտնաբերման դեպքում նրանք պարտավոր են դադարեցնել ինքնաթիռի բեկորների տեղափոխումը։ Մեկ ջրասուզակ հիպոթերմիա ախտորոշմամբ տեղափոխվել է հիվանդանոց։
Նախատեսվում է վթարի ենթարկված ինքնաթիռի և ուղղաթիռի բեկորները բեռնել և կտեղափոխել անգար՝ հետաքննության համար:
Հիշեցնենք, որ հունվարի 29-ին PSA Airlines ավիաընկերության մարդատար ինքնաթիռը Վաշինգտոնի օդանավակայանին մոտենալիս բախվել է ուսումնամարզական թռիչք իրականացնող Sikorsky UH-60 Black Hawk ռազմական ուղղաթիռին։ Դրանք գետն են ընկել։ Ինքնաթիռում եղել է 64, իսկ ուղղաթիռում՝ երեք մարդ։ Բոլորը մահացել են։
Արտակարգ իրավիճակի ստույգ պատճառները դեռևս պարզված չեն։
Թարգմանությունը՝ Տաթև Ֆռանգյանի
