25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Կանադան և Մեքսիկան պատասխան մաքսատուրքեր են սահմանել ամերիկյան ապրանքների վրա
Քաղաքականություն
02.02.2025 | 12:42
Կանադան և Մեքսիկան արձագանքել են ԱՄՆ նախագահ Դոնալդ Թրամփի որոշմանը` ներմուծվող ապրանքների համար նոր մաքսային տուրքեր սահմանելու վերաբերյալ․ գրում է DW-ն։
Կանադայի վարչապետ Ջասթին Թրյուդոն հայտնել է, որ Օտտավան կպատասխանի 25% մաքսատուրքերի սահմանմամբ՝ ԱՄՆ-ից ներմուծվող ապրանքների համար, որոնց ընդհանուր արժեքը կազմում է 155 միլիարդ կանադական դոլար (106 միլիարդ ԱՄՆ դոլար կամ 103 միլիարդ եվրո):
Թրյուդոյի խոսքով, 30 միլիարդ կանադական դոլարի ապրանքների վրա մաքսատուրքերը ուժի մեջ կմտնեն փետրվարի 4-ին, իսկ մնացածի վրա՝ 21 օր անց: Վարչապետը կոչ է արել քաղաքացիներին նախընտրել տեղական արտադրանքն ու հանգիստն անցկացնել հայրենիքում՝ փոխարենը այցելելու ԱՄՆ:
Կանադայի կառավարությունը դիտարկում է նաև այլ քայլեր, որոնք կարող են ներառել կարևոր օգտակար հանածոների, էներգետիկ մատակարարումների և տնտեսական համագործակցության այլ ոլորտների սահմանափակումներ: Բացի այդ, Կանադան մտադիր է համագործակցել Մեքսիկայի հետ՝ միասնական արձագանք տալու ԱՄՆ-ի կողմից սահմանված մաքսային տուրքերին:
Մինչդեռ Մեխիկոն Վաշինգտոնին կպատասխանի «սակագնային և ոչ սակագնային միջոցներով», ասել է Մեքսիկայի նախագահ Կլաուդիա Շեյնբաումը` համապատասխան հրամանը տալով էկոնոմիկայի նախարարին։ Միաժամանակ նա հայտնել է, որ բաց է բանակցությունների համար՝ բացատրելով, որ խնդիրները լուծվում են ոչ թե սակագների ներդրմամբ, այլ երկխոսությամբ։
