14.05.2026 | 20:14
Կուբայում բողոքի ցույցեր են․ երկիրը բախվում է տասնամյակների ընթացքում ամենածանր բլեքաութին
ԱԱԾ-ն հաղորդում է ներկայացրել ՔԿ՝ Իրանի քաղաքացիների տեսանյութը հրապարակող ՀԿ ղեկավարի նկատմամբ՝ ՀՀ քրօրենսգրքի 329-րդ հոդվածի 2-րդ մասի 3-րդ կետով
Հասարակություն
01.02.2025 | 11:59
ՀՀ ԱԱԾ-ն ի լրումն 2025 թվականի հունվարի 31-ի հայտարարության, նոր հաղորդագրություն է տարածել, որում ասվում է․
«Ս.թ. հունվարի 30-ին համացանցում տարածվել էր տեսանյութ մի խումբ ԻԻՀ քաղաքացիների մասնակցությամբ Երևանի Հանրապետության հրապարակում:
ՀՀ ազգային անվտանգության ծառայության կողմից իրականացված համալիր օպերատիվ- հետախուզական միջոցառումների արդյունքում փաստական տվյալներ են ստացվել այն մասին, որ համացանցում տարածված և լայն արձագանք գտած տեսագրությունը հրապարակվել է «Ռազմավարական Հետազոտությունների Անկախ Կենտրոն» հասարակական կազմակերպության ղեկավար Ղ․ Բ․-ի կողմից՝ համանուն ֆեյսբուքյան օգտահաշվում, իսկ տեսագրությանը կից Ղ․ Բ․-ն տեղեկատվական և հաղորդակցական տեխնոլոգիաների օգտագործմամբ հանդես է եկել անձի կամ
անձանց խմբի նկատմամբ քաղաքական և սոցիալական բնույթի այլ հանգամանքներով պայմանավորված՝ ատելություն և անհանդուրժողականություն հրահրելուն և/կամ քարոզելուն ուղղված հրապարակային խոսքով։
Ձեռնարկված համալիր օպերատիվ-հետախուզական միջոցառումների արդյունքում ստացված փաստական տվյալների հիման վրա ՀՀ քրեական օրենսգրքի 329-րդ հոդվածի 2-րդ մասի 3-րդ կետով առերևույթ հանցանքի մասին հաղորդում է ներկայացվել ՀՀ քննչական կոմիտե»։
Հիշեցնենք, որ ավելի վաղ ԱԱԾ-ն պարզաբանում էր ներկայացրել, լայն արձագանք գտած տեսանյութում պատկերված անձինք իրականում հանդիսանում են Իրանի Իսլամական Հանրապետության քաղաքացիներ։
