19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Սեպտեմբերի 23-ի ընտրությունների գլխավոր հաղթողը Սերժ Սարգսյանն է. Անդրիաս Ղուկասյան․ ՏԵՍԱՆՅՈՒԹ
Քաղաքականություն
25.09.2018 | 20:25
«Երևանում ավագանու ընտրությունների փոխարեն տեղի է ունեցել հանրաքվե և դրված էր հարց՝ համաձայն են երևանցիները որպեսզի ԱԺ-ը ցրվի: Երևանցիների 81 տոկոսը պատասխանել է՝ այո: «Իմ քայլը» հանդես եկավ այդ հանրաքվեն նախաձեռնողի դերում և գրանցված արյդունքը սպասելի էր:», Factor.am-ի հետ զրույցում ասաց «Հայաստանի կառուցողական կուսակցության» նախագահ Անդրիաս Ղուկասյանը:
Նրա կարծիքով՝ չնայած Հայաստանի հանրապետական կուսակցությունը չմասնակցեց ընտրություններին, բայց շահեց այս ամենից:
«Երևանում տեղի ունեցած հանրաքվեն ճանապարհ է բացում ՀՀԿ-ի համար՝ քիչ ձայն հավաքելով հանդերձ, ԱԺ-ում մանդատներ ունենալու: Այս ընտրությունների ընթացքում լեգալիզացվեց, մաքրվեց ընտրակեղծարար Տիգրան Մուկուչյանի անունը և ընտրակեղծարար համակարգի անունը, ուստի ԱԺ արտահերթ ընտրություններում իրենց ձեռքերն ավելի ազատ են»,-ասաց նա։
Անդրադառնալով հարցին, թե այդ դեպքում ինչո՞ւ են ՀՀԿ-ականները դեմ արագացված կերպով խորհրդարանական ընտրություններ անցկացնելուն՝ Ղուկասյանը նշեց. «ՀՀԿ-ն ցուցադրական է անում, որպեսզի քողարկեն, որ իրականում իրենք շատ գոհ են, որ «Բարգավաճ Հայաստանը» լուրջ հարված ստացավ այս ընտրություններին, որը տարիներ ի վեր եղել է իրենց մրցակիցը: Հիմա ԲՀԿ-ի համեմատ իրենք ունեն մեծ առավելություն՝ օլիգարխիայի համար որպես համախմբման կենտրոն հանդես գալու»:
Ղուկասյանը դեռևս չգիտի՝ իր նոր ստեղծած կուսակցությամբ կմասնակցի՞ արտահերթ խորհրդարանական ընտրություններին, թե ոչ. «Ես վստահ չեմ, որ դրանք ընտրություններ կլինեն, որ էլի չեն ասի՝ ով չքվեարկի ՔՊ-ին, հակահեղափոխական է, կպառկեցնենք ասֆալտին: Այս պահի դրությամբ պարզ չէ՝ ինչպիսի՞ն կլինեն ընտրությունները, և, հետևաբար, պարզ չէ՝ իմաստ կա՞ մասնակցելու, թե՝ ոչ»:
Անդրիաս Ղուկասյանը նաև անդրադարձավ 2016թ. հուլիսի 29-ի լույս 30-ի գիշերը Սարի թաղում կատարված իրադարձությունների գործով հարուցված և կարճված քրեական գործին, որում նա ուներ տուժողի կարգավիճակ։
Վերջինս ասաց, որ իր համար հասկանալի չէ ՀՔԾ-ի նման վարքագիծը:
Նա նաև հիշեցրեց իր դեմ հարուցված քրեական գործը, որում տուժող էին ճանաչվել ոստիկանները՝ այդ թվում ՀՀ ոստիկանապետ Վալերի Օսիպյանը:
Նա ասաց, որ հասել են այն փուլին, որ որպես տուժող իր դեմ պետք է ցուցմունք տա նաև Օսիպյանը:
Մանրամասները՝ տեսանյութում:
Լիլիթ Շաբոյան
