08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Սերբ ուսանողները շարունակում են իրենց բողոքի ցույցերը
Քաղաքականություն
31.01.2025 | 21:03
Սերբ ուսանողները շարունակում են իրենց երթը դեպի հյուսիսում գտնվող Նովի Սադ քաղաք։ Նրանք այս քաղաք են շարժվել Բելգրադից հինգշաբթի օրը։ Ուսանողները պահանջում են պատասխանատվության ենթարկել կայարանում փլուզման մեջ մեղավորներին, որը խլեց 15 մարդու կյանք, գրում է Euronews-ը։
Գիշերն անցկացնելով վրաններում ու տաքանալով խարույկների մոտ, նրանք մտադիր են հասնել իրենց նպատակակետին շաբաթ օրը։ Բողոքի ակցիայի ժամանակ նախատեսվում է Նովի Սադ քաղաքի 24-ժամյա արգելափակում։
«Մենք կհասնենք մինչև Նովի Սադ։ Երեկվա զբոսանքը հեշտ էր։ Հիմա ցուրտ է, բայց մենք կհաղթահարենք այն։ Մենք բոլորոս մի նպատակ ունենք»,- ասել է ուսանողուհի Նեվենա Վեցերինացը։
Ամեն ինչ սկսվեց շինարարական պայմանագրերի կնքման ժամանակ իշխանությունների կոռուպցիայի մեջ ներգրավվածության դեմ բողոքով։ Արդյունքում դեմարշը վերածվել է սերբ պոպուլիստների առաջնորդ Ալեքսանդր Վուչիչի դեմ վերջին տարիների ամենալուրջ մարտահրավերին։
Թարգմանությունը՝ Տաթև Ֆռանգյանի
