03.04.2025 | 16:42
ՀՔԱՎ գրասենյակը հաղորդում է ներկայացրել Վարդան Ղուկասյանի դեմ
Ադրբեջանի վարչապետը որպես հյուր մասնակցել է Ալմաթիում կայացած Եվրասիական միջկառավարական խորհրդի նիստին
Քաղաքականություն
31.01.2025 | 23:00
Ղազախստանում՝ Ալմաթիում, այսօր անցկացված Եվրասիական միջակառավարական խորհրդի նիստին որպես հյուր մասնակցել է նաև Ադրբեջանի վարչապետ Ալի Ասադովը։
Ադրբեջանական լրատվամիջոցների հաղորդմամբ՝ իր ելույթում Ասադովը հայտարարել է, թե Ադրբեջանը դարձել է Եվրասիայի կարևոր տրանսպորտային և լոգիստիկ հանգույցներից մեկը՝ շնորհիվ իր բարենպաստ աշխարհագրական դիրքի և ժամանակակից ենթակառուցվածքների։
«Անցյալ տարի ԵՏՄ երկրների հետ Ադրբեջանի ապրանքաշրջանառությունն աճել է ավելի քան 14%-ով։ Ներդրումային փոխազդեցությունը զարգանում է աճի միտումով: Մեր երկրների միջև ներդրումային ծրագրերի մեծ փաթեթ է իրականացվում»,-ասել է նա՝ նշելով, որ Բաքուն ԵՏՄ որոշ գործընկերների հետ համատեղ ներդրումային հիմնադրամներ ունեն։
Ասադովը նաև հայտարարել է, թե Ադրբեջանով են անցնում Արևելք-Արևմուտք և Հյուսիս-Հարավ միջազգային տրանսպորտային միջանցքները։ Նա նշել է, որ Ադրբեջանի տարածքով բեռափոխադրումները կայուն տեմպերով աճում են։ Անցյալ տարի տարանցիկ երթևեկության ծավալներն աճել են 8 տոկոսվ։
Ասադովը մասնակցել է նաև «Թվային Ալմաթի 2025» միջազգային թվային ֆորումին և ելույթով հանդես եկել։ Հիշեցնենք, որ Ադրբեջանը ԵՏՄ անդամ չէ։
Հավելենք, որ այցով Ղազախստանում է նաև ՀՀ փոխվարչապետ Մհեր Գրիգորյանը։ Նա մասնակցել է Եվրասիական միջկառավարական խորհրդի նիստին։
Թարգմանությունը՝ Էմմա Չոբանյանի
