30.04.2026 | 12:00
ՀՀ-ում լրագրողները հաճախ ենթարկվում են ճնշման. Factor TV-ն մի շարք կայքերի հետ կատարում է անկախ վերահսկողի դեր. RSF
Ադրբեջանի մասնակցությամբ Կարսում ընթանում են միջազգային զորավարժություններ
Քաղաքականություն
31.01.2025 | 21:26
Ադրբեջանի զինվորականները շարունակում են մասնակցությունը Թուրքիայում ընթացող «Ձմեռային զորավարժություններ-2025» բազմազգ զորավարժություններին։ Նշենք, որ զորավարժություններն անցկացվում են Կարսում։
Ադրբեջանի ՊՆ հաղորդմամբ՝ զորավարժություններին մասնակցում է ավելի քան 12,000 զինվորական տարբեր երկրներից, և գործողություններ են իրականացվում՝ ապահովելու ստորաբաժանումների միջև փոխգործակցությունը մարտական գործողությունների, մարտական հմտությունների փորձարկման, կրակի վերահսկման, ինչպես նաև որոնողափրկարարական և մարտական աջակցության գործողությունների ժամանակ։
Սցենարի համաձայն՝ կատարվել են հրետանային կայանքների, զրահատեխնիկայի, մարտական ինքնաթիռների և ուղղաթիռների կիրառմամբ անօրինական զինված խմբավորումների ապաստարանները, տեխնիկան և կենդանի ուժը ոչնչացնելու խնդիրները։
Բացի այդ ՝ բարդ եղանակային պայմաններում օդադեսանտային խմբերը պարաշյուտով թռել են օդանավից և կատարել մարտական առաջադրանքները լեռնային տեղանքում։
Թուրքական լրատվամիջոցների հաղորդմամբ՝ զորավարժություններին մասնակցում են զինվորականներ Թուրքիայից, ԱՄՆ-ից, Ադրբեջանից, Բանգլադեշից, Բոսնիա-Հերցեգովինայից, Վրաստանից, Իտալիայից, Կոսովոյից, Պակիստանից, Ղազախստանից, Հյուսիսային Մակեդոնիայից, Բուլղարիայից, Ֆրանսիայից, Անգլիայից, Լիբիայից, Մոնղոլիայից, Նիգերից, Տաջիկստանից և Հորդանանից։
Թարգմանությունը՝ Էմմա Չոբանյանի
