08.10.2026 | 18:19
Միրզոյանն ու Ղազախստանի ԱԳ նախարարը քննարկել են տարածաշրջանային փոխկապակցվածությունն ու խաղաղության ջանքերը
Իսրայելը հունվարի 31-ին կազատի պաղեստինցի բանտարկյալներին
Քաղաքականություն
30.01.2025 | 19:13
Պաղեստինցի բանտարկյալներն իսրայելական բանտերից կազատվեն դեկտեմբերի 31-ին՝ տեղական ժամանակով 17:00-ին։ Այս մասին հայտնում է Կոմերսանտը՝ հղում անելով պաղեստինցի բանտարկյալների հարցերով զբաղվող գրասենյակին։
«Միջնորդների հետ բանակցություններից հետո որոշվել է, որ բանտարկյալներն ազատ կարձակվեն տեղական ժամանակով 17:00-ին»,- ասված է գրասենյակի պաշտոնական Telegram ալիքում հրապարակված հաղորդագրության մեջ:
Ավելի վաղ Իսրայելի վարչապետի գրասենյակը հայտնել էր, որ վարչապետ Բենիամին Նեթանյահուն և պաշտպանության նախարար Իսրայել Կացը որոշել են հետաձգել պաղեստինցի բանտարկյալների ազատ արձակումը, որոնք պետք է ազատություն ստանային ՀԱՄԱՍ-ի հետ գործարքի շրջանակում։
Որոշումն ընդունվել է՝ հաշվի առնելով Իսրայելի այն տեսակետը, որ ՀԱՄԱՍ-ի կողմից կազմակերպված իսրայելցի պատանդների ազատ արձակման գործընթացն անվտանգ չէ: Իսրայելի վարչապետը «ցնցող» է անվանել ազատագրման տեսարանը, պահանջել է, որ պաղեստինյան շարժումը երաշխավորի պատանդների անվտանգությունը, նաև միջնորդներին միջամտելու կոչ է արել։
Ավելի ուշ վարչապետի գրասենյակից հայտնել են, որ խորհրդակցությունների ընթացքում միջնորդները հանձնառություն են ստանձնել, որը կերաշխավորի իսրայելցի պատանդների անվտանգ ելքը ազատագրման հաջորդ փուլերում։
Թարգմանությունը՝ Տաթև Ֆռանգյանի
